ಮಂಗಳ ಇಂದಿರಾವರನಿಗೆ ಜಯ
ಮಂಗಳ ವೃಂದಾವನಶಾಯಿಗೆ ಪ.
ಆಷಾಢ ಶುಕ್ಲೈಕಾದಶಿಯಾರಂಭಿಸಿ ನಾಲ್ಕು
ಮಾಸವು ನೆಲೆಗೊಂಡ ನಳಿನಾಕ್ಷಗೆ
ದಾಸ ಮನೋರಥದಾಯಿ ವೃಂದಾವನ
ವಾಸಿ ದಾಮೋದರ ಶ್ರೀಶನಿಗೆ 1
ಹಲವು ವಿಧದ ಪುಷ್ಪಗಳಿಕಿಂತ ಅಧಿಕ ಶ್ರೀ
ತುಳಸಿ ಎಂದು ಎಲ್ಲ ತಿಳಿಯಿರೆಂದು
ನೆಲೆಯದೋರಿ ಮೂಲದಲಿ ಪವಡಿಸಿದಂಥ
ನಳಿನಾಕ್ಷ ಗೋಪಾಲ ಕೃಷ್ಣನಿಗೆ 2
ವಿಧಿಭವ ಶಕ್ರಾದಿ ಬುಧರು ಪರಾಕೆಂದು
ವಿವಿಧ ವಿಧ ಸ್ತುತಿಸುತ ಕಾದಿರಲು
ಮುದದಿಂದಲೆದ್ದು ಮುಖಾಬ್ಜ ತೋರುವ ನಮ್ಮ
ಪದುಮನಾಭ ವೆಂಕಟರಾಯನಿಗೆ 3