ಓದಲೇಕೋ ಬರಿದೆ ಓದಲ್ಯಾಕೋ ಪ
ಆದಿ ಮಧ್ಯ ಅಂತ್ಯವೆಂಬೊ
ನಾದಬಿಂದು ಕಳೆಯನು ಅರಿಯದೆ ಅ.ಪ
ಏಳಬೇಕೋ ನಾರಿಯಾಳಬೇಕೋ
ಏಳು ಎಂಟು ಆತ್ಮವಿಚಾರ
ತಾಳಿ ತತ್ವ ಜ್ಞಾನವನ್ನು
ನೀಲಜ್ಯೋತಿಯನ್ನು ಕಾಣದೆ
ಜಾಲಾಮಾನಿನಿಯರೊಳು ಬೆರೆದೂ 1
ಓದಬೇಕೋ ಓದದ್ದೋದಬೇಕೊ
ಓದಿತಾವೊಂದಕ್ಷರವನ್ನು
ಪಾದಸೇವೆಯನ್ನು ಕೊಟ್ಟಾ
ಭೋಧಾಚಾರ್ಯನೆಂಬೊ ತುಲಸೀ
ಆದಿಪ್ರಣವವನ್ನು ಬಿಟ್ಟುವೋದಲೇಕೊ 2

ದಾವಗಿಲ್ಲ ಖೂನ ತನ್ನೊಳಗ
ಅವಗೆಲ್ಲಿಯ ಜ್ಞಾನ ಜಗದೊಳಗ ಧ್ರುವ
ತಿಳಿದುಕೊಳ್ಳದವ ಆತ್ಮವಿಚಾರ
ಕಳೆದು ಕೊಂಡವನೆ ಹಿತ ಅಪಾರ
ಹೊಳಿಯದವಗ ಎಂದು ವಸ್ತುದಾಧಾರ 1
ದಾವಗಿಲ್ಲ ಖೂನ ಗುರುಮುಖ
ಅವನೆ ತಾಳಿ ಬಾಹ್ವ ಜನ್ಮ ಅನೇಕ
ಭಾವಿಸದು ದಾವಗಿನ್ನ ವಿವೇಕ
ಅವಗೆಲ್ಲಿಹದು ನೋಡಿ ಸ್ವಸುಖ 2
ಖೂನ ತನ್ನ ತಿಳಿವದು ತ್ವರಿತ
ಅನುಭವಕಿದೆ ತಾಮ ಸನ್ಮತ
ದೀನ ಮಹಿಪತಿಗೆ ಸ್ವಹಿತ
ಭಾನು ಕೋಟೆ ತೇಜನಾದ ಉದಿತ 3