ಅಶೆ ಅಳಿಯದೆ ಮನದ ರೋಷವಡಗದೆ | ವೇಷ ದಂಭಕಗೆಲ್ಲಿ ಶಿವಯೋಗವು ಪ|
ತನ್ನ ತಾನರಿಯದೆ ಉನ್ಮತ್ತದಿಂದಲಿ ನನ್ನದು ನಾನೆಂದು ಜಲ್ಪಿಸುತ || ಕುನ್ನಿಯಂದದಿ ಕೋಟಲೆ ಯೊಳಗಿಹ ಹೀನ ಮನುಜಗೆಲ್ಲಿ ಶಿವಯೋಗವು 1
ಎಲಬು ತೊಗಲು ಮಲ ಮೂತ್ರದಿ ತೋರುವ | ಹೊಲಸಿನ ದೇಹವು ತಾನೆನುತ || ಹಲವು ಪಾಪಂಗಳನು ಹೇಸದೆ ಮಾಡುವ | ಕುಲಹೀನನಿಗೆಲ್ಲಿ ಶಿವ ಯೋಗವು 2
ಆರು ವೈರಿಗಳಿಗೆ ವಶವಾದನು ಈ ದೀನ | ವಾರಿಜನಾಭನ ಚರಣವನು || ಸೇರಿ ತನ್ನ ಹಿತವ ಮಾಡಿಕೊಳ್ಳದಾ- |ಚಾರಿಗೇಡಿಗೆಲ್ಲಿ ಶಿವ ಯೋಗವು 3
ಮೂರು ದೇಹಕೆ ಮೀರಿ ಬೇರೆ ತಾನಾಗದೆ | ಆರು ಇಂದ್ರಿಯಗಳಿಗೆ ವಶವಾಗಿಯು || ನಾರಿಯರ ಸಂಗ ಸುಖವ ಬಯಸುವ | ಕ್ರೂರ ಮನುಜನಿಗೆಲ್ಲಿ ಶಿವ ಯೋಗವು 4
ಶ್ರೀ ಗುರು ವಿಶ್ವಪತಿಯ ಪದ ಕಮಲವ | ಬೇಗದಿ ಸೇರಿ ಸುಖಿಯಾದೆ || ರಾಗರೋಷದಿ ತನ್ನಾಡಿತವ ತಾ ಮರೆತಂಥ | ಭೋಗಲಂಪಟಗೆಲ್ಲಿ ಶಿವಯೋಗವು ? 5

ಗುರುವಿನರಿಯದಾರಂಭ
ತೋರುವುದ್ಯಾತಕೆ ಡಂಭ
ಸುರಮುನಿಗಳಿಗಿದು ಗುಂಭ
ಗುರುಮಾರ್ಗವಾಗಿರಾಲಂಬ 1
ಹೃದಯದೊಳಿರಲಙÁ್ಞನ
ತುದಿನಾಲಗಿಲ್ಯಾತಕ ಙÁ್ಞನ
ಇದು ನಿಜ ಮೋಹಿಸು ಖೂನ
ಸಾಧಿಸುದಲ್ಲ ನಿಧಾನ 2
ಅಳಿಯದೆ ಕಾಮಕ್ರೋಧ
ಹೊಳುವದ್ಯಾತಕೆ ಬೋಧ
ತಿಳಿಯದೆ ಶ್ರೀಗುರುಪಾದ
ಬೆಳಿಸುವದ್ಯಾತಕೆ ವಿವಾದ 3
ತತ್ವನರಿಯದ ಕವಿತ್ವ
ಯಾತಕಿದು ಅಹಮತ್ವ
ಸತ್ವದೊಳಾಗದೆ ಕವಿತ್ವ
ಮಿಥ್ಯವಿದ್ಯಾತಕೆ ಮಹತ್ವ 4
ಆಶಿಯನಳಿದರೆ ಸಾಕು
ವೇಷದೋರುದ್ಯಾತಕೆ ಬೇಕು
ಹಸನಾದರ ರಸಬೇಕು
ಭಾಸುದು ಮಹಿಪತಿ ಘನಥೋಕು 5