ಅವತಾರ ಹರಿಯ ವಿವರಿಸೆ ಬ್ರಹ್ಮಗಳ ಅಳವಲ್ಲಾ ಪ
ಸುರಿವ ಮಳೆ ಹನಿ ಎಣಿಸಬಹುದು
ಧರಣಿಯ ರಜ ಕಡಗಣಿಸ ಬಹುದು
ಪರಮಾಣು ವರ ವೆಣಿಸಬಹುದು 1
ತಾರೆಯ ಲೆಖ್ಖವ ಹಿಡಿಯಲು ಬಹುದು
ನೀರಸ್ವಿಯ ಮಾಪವ ಮಾಡಬಹುದು
ಮೇರುಗಿರಿ ತೂಗಿ ನುಡಿಯ ಬಹುದು 2
ಅನಂತ ಗುಣಗಣ ನಿಲಯನುಯನಿಸಿ
ಘನಗುರು ಮಹಿಪತಿ ಪ್ರಭು ಅವತರಿಸಿ
ಅನುಚರರ ಹೊರೆವನು ಕರುಣಿಸಿ 3

ಹನುಮನ ಮತದಲಿ ಅನುಮಾನ ಬೇಡವೊ
ಮನಮುಟ್ಟಿ ಭಜಿಸಲೊ ಎಲೆ ಮನವೇ ಪ
ಸನಕಾದಿ ವಂದಿತ ಮನಸಿಜ ಜನಕ
ವನಜನಯನ ಹರಿಗನುಮತವಾದಂತ ಅ.ಪ
ವಿಧಿ ಭವಾದಿಗಳಲ್ಲಿ
ಅನುಚರರಿವನಿಗೆ ಪರತಂತ್ರರು
ವಿವಿಧ ತಾರತಮ್ಯ ನಿರತ ಪೊಂದಿರುವರು
ಸಕಲ ಜಗಂಗಳು ನಿಜವೆಂದು ಬೋಧಿಪ1
ಮುಕುತಿಯೆಂಬುದು ನಿಜಾನಂದದ ಅನುಭವ
ಭಕುತಿಯೇ ಪಡೆಯಲು ಸಾಧನವು
ಪ್ರಕೃತಿ ಸಂಯುತವಾದ ದೇಹವ ಕಳೆಯಲು
ಯುಕುತಿ ಬೇರಿಲ್ಲವೆಂದು ಭರದಿ ಸಾರುವಂಥ 2
ನಯನಕೆ ಗೋಚರ ಒಣ ಊಹೆಯಿಂದಲಿ
ತಿಳಿಯಲು ಹರಿಯನು ಅಳವಲ್ಲವು
ನಿಗಮಗಳಿಂದಲೆ ಅರಿತ ಜ್ಞಾನಿಗೆ ಪ್ರ
ಸನ್ನನಾಗುವನೆಂದು ದೃಢದಿಂದರುಹುವ 3