ತಾ ತಾ ತಾ ತಾ ತಾ ರಂಗ ನಿನ್ನ ಪಾದಥೈ ಥೈ ಥೈ ಥೈ ಥೈ ಯೆಂದು ಕುಣಿಯುತ ಪ
ನಿಗಮವ ತಂದು ನಗವ ಬೆನ್ನಲಿ ಪೊತ್ತುಅಗೆದು ಬೇರು ತಿಂದು ಬಾಲನ ಸಲಹಿದೆ ಅಂದು 1
ಪೊಡವಿ ಈರಡಿ ಮಾಡಿ ಕೊಡಲಿ ಪಿಡಿದು ಮುನಿಮಡದಿಯ ಸಲಹಿದೆ ಎನ್ನೊಡೆಯ ಶ್ರೀಕೃಷ್ಣ 2
ಅಂಗನೆಯರ ವ್ರತಭಂಗವ ಮಾಡಿ(ದೆ)ತುಂಗ ಕುದುರೆಯೇರಿದ ರಂಗವಿಠಲನೆ3

ಹ್ಯಾಂಗೆ ಮೆಚ್ಚಿದೆ ಹೆಂಗಳರನ್ನೆ
ಹಲವುರೂಪ ತಾಳಿದವನ ಪ.
ರಾಗ ಮಿಗಿಲು ಲಕುಮಿರಮಣ
ಭೋಗಿರಾಜಶಯನನ ಅ.ಪ.
ಜಲದಿ ಚರಿಸುತಿಹನು ಸತತ
ಒಲಿದು ಶಿರವ ನೆಗಹಿ ನೋಡ
ಸಲೆವಿಕಾರ ಕೋರೆಹಲ್ಲ
ಚಲ ಮಹೋಗ್ರ ರೂಪನ
ನೆಲವನಳೆದು ತಾಯಿತಲೆಯ ತರಿದು ಕರಡಿ ಕಪಿಯೊಳಾಡಿ
ಒಲಿದು ಗೋವುಕಾಯ್ದು ಬತ್ತಲೆತೊಳಲಿ ತುರಗವೇರ್ದನ 1
ಸೊಗಡುಗಂಧವೆಸೆವ ತನುವು
ತೆಗೆದ ಬಾಯಿ ಕುಗ್ಗಿದ ಬೆನ್ನು
ಅಗೆದು ನೆಲವ ಬಗೆದು ರೌದ್ರ
ಹೊಗೆಯತೋರ್ವ ವದನನ
ವಿಗಡವಿಪ್ರ ರಾಜವೈರಿ ಬಗೆಯಬಡದಾರಣ್ಯವಾಸಿ
ನಗವ ಬೆರಳ ತುದಿಯಲೆತ್ತಿ ಜಗದ ಲಜ್ಜೆಯ ತೊರೆದ ಕಲ್ಕಿಯ 2
ಮಿಡಿದು ಹೊಳೆವ ಚಂಚಲಚಿತ್ತ
ಕಡುಕಠಿಣ ದೇಹದವನ
ಹಿಡಿದ ರೋಮಮಯ ಶರೀರ
ಕಿಡಿಯನುಗುಳ್ವ ನಯನನ
ಬಿಡದೆ ದಾನಬೇಡಿ ಕೊಡಲಿಪಿಡಿದು ಮೃಡನ ಧನುವ ಮುರಿದು
ಜಡಿದು ಅಗ್ರಪೂಜೆಗೊಂಡ ಕಡುನಿರ್ವಾಣ ಹಯವದನನ3
ಸಂಪ್ರದಾಯದ ಹಾಡುಗಳು