ಜಯ ಜಯ ಗುರುನಾಥ
ದಯ ಗುಣದಲಿ ಅಖಂಡಿತ ಧ್ರುವ
ಅನುಗ್ರಹದಲಿ ಸಮರ್ಥ
ಜನವನದೋರುವೆ ಪರಮಾರ್ಥ
ನೀನೆ ಸಕಲಾರ್ಥ
ಅಣು ರೇಣುಕ ಸುಹಿತಾರ್ಥ 1
ಬಡವರಿಗಾಧಾರಿ
ನೀಡುವುದರಲಿ ಘನ ಉದಾರಿ
ಕುಡುವೆ ನಿಜದೋರಿ
ಕಡೆಗಾಣಿಸುವೆ ಸಹಕಾರಿ 2
ಪಿಡಿದವರ ಕೈಯ
ಬಿಡ ಎಂದೆಂದಿಗೆ ನಿಶ್ಚಯ
ಒಡೆಯನಹುದಯ್ಯ
ಮೂಢ ಮಹಿಪತಿ ಮಹದಾಶ್ರಯ 3

ತ್ರಾಹಿ ತ್ರಾಹಿ ತ್ರಾಹಿ ತ್ರಾಹಿ ತ್ರಾಹಿ ಗುರುನಾಥ
ಬಾಹ್ಯಾಂತ್ರ ಪರಿಪೂರ್ಣ ನೀನೆ ಸದೋದಿತ
ಸಹಕಾರ ನಿಜವಸ್ತು ನೀನೆ ಅಖಂಡಿತ
ಗುಹ್ಯ ತಿಳಿಯದೊ ನಿನ್ನ ಸದ್ಗುರು ಸಮರ್ಥ 1
ಸೆರಗ ಸಿಲುಕದೆಂದು ತಿರುಗಿತು ವೇದ
ಸರಸ್ವತಿ ಸ್ತುತಿಗೆ ತಾ ತೀರಲಿಲ್ಲ ಬೋಧ
ವರಣಿಸಲಿಕ್ಕೆ ಶೇಷ ತಲೆಯು ಬಾಗಿದ
ಮೊರೆ ಇಡುತಿಹುದೆಲ್ಲ ನಿನಗೆ ಗೋವಿಂದ 2
ಋಷಿಮುನಿಗಳಿಗೆ ತಾ ಪೆಸರೊಡೆಯದು
ತುಸು ಕೊರತೆಲ್ಲ ತಾ ಪಸರಿಸಿಹ್ಯದು
ಮಸಿ ಮಣ್ಣಾಯಿತು ಲೋಕ ಹೆಸರಿಗೆ ಬಂದು
ದೆಸೆಗೆಟ್ಟಾಯಿತು ಬಹಳ ಉಸುರೊಡಿಯೆಂದು 3
ಮಾಡದ ಮಾಡಿತು ಲೋಕ ನೋಡೊ ನಿನಗಾಗಿ
ಬಡದ ಭವಣೆಬಟ್ಟು ಹಿಡಿಯಲಿಕ್ಕೆ ಹೋಗಿ
ಕೊಡಲಿಲ್ಲ ನಿಜಗುಟ್ಟು ಇವ್ಹನೀ ಅಡಗಿ
ಯೋಗಿ 4
ಇದೆ ಮುಂದಣುವಾದ ನನ್ನದೇನು ಪಾಡು
ಸಾಧಿಸಿ ಸದ್ಗುರು ಕೃಪೆ ನೀನೆ ದಂiÀiಮಾಡು
ಒದಗಿ ಮಹಿಪತಿ ನೀ ದಯದಿಂದ ನೋಡು
ಸದಮಲ ಸುಖವಾದ ಸುಧಾರಸವ ಕೊಡು 5