ಕಾಯಯ್ಯಾ ನೀ ಎನ್ನ ರನ್ನಾ |
ದಯದಲಿ ಸಂಪನ್ನಾ ಪ
ಮಂದರಧರ ದಶಕಂದರ ಹರಿ ಅತಿ- |
ಸುಂದರ ಸದ್ಗುಣ ಮಂದಿರ ಈಶಾ |
ಕುಂದರದನ ಕಂಬುಕಂದರ ಐದೊಂದು |
ಕಂದರ ಪಿತ ಸಖ ಇಂದಿರೆಯರಸಾ 1
ತುಂಗ ವಿಕ್ರಮ ದನುಜಾಂತ ಮದಗಜಕ |
ಹರಣ ರಂಗ ನಿಸ್ಸೀಮಾ |
ಇಂಗಿತಜನ ಭವಭಂಗ ಕಮಲದಳ |
ಕಂಗಳಲೊಪ್ಪುವ ಮಂಗಳ ಮಹಿಮಾ 2
ಅಂಬುಜ ಭವನುತ ಅಂಬುಧಿಜಾನನ |
ಅಂಬುಜ ಸುಚಕೋರಾಂಬುಜ ಚರಣ |
ಅಂಬುಧಿವಾಸ ವಿಶ್ವಂಭರ ಮಹಿಪತಿ- |
ನಂಬಿದ್ದವರಿಗಿಂಬಾಗಿಹೆ ಕೃಷ್ಣಾ 3

ನಂಬಿ ಭಜಿಸಿರೈಯ್ಯಾ ಶರಣರು ಪ
ನಂಬಿ ಭಜಿಸಿರೈಯ್ಯಾ ಶರಣರು|ಅಂಬುಧಿವಾಸ ಶ್ರೀ ದೇವನಾ|
ಹಂಬಲ ಬಿಡಿ ಅನ್ಯ ಮಾರ್ಗದಾ|
ಅಂಬುಜಾಂಬಕ ಪರದೈವನು ಗಡಾ| 1
ತ್ರಿಮೂರ್ತಿಯೊಳು ಮಿಗಿಲಾರೆಂದು ನೋಡಾ|
ಲಾ ಮುನಿಯಮರರು ಕಳುಹಲು|
ಪರದೈವವೆಂದನು ಗಡಾ|2
ದೇವಾ|ಸುರರೆಲ್ಲ ತವಕದಿ ಕುಳಿತಿರೇ|
ಇಂದಿರೆ ಬಂದು|ಹರಿಗೆ
ಮಾಲೆಯ ಹಾಕಿದಳು ಗಡಾ 3
ಶ್ರೀ ಚರಣವ ತೊಳೆಯಲು|
ಸುರನದಿ ಬರೆ|
ಮೃಢ ಶಿರಸದಿ ಧರಿಸಿದ ಗಡಾ4
ಮೂರಕ ಮೂರ ಮೂರುತಿಯಾಗಿ ಗುಣ|
ಮೂರಕದೂರವದೆನಿಸುವಾ|
ಸಾರಿದವರಾ ಕಾವಾ ಮಹಿಪತಿಸುತ|
ಸಾರಥಿಯಾಗಿ ರಕ್ಷಾಪ ಗಡಾ5

ನಂಬು ನರಮೃಗನಾ|ಮನುಜಾ|
ಅಂಬುಧಿವಾಸ ಶ್ರೀ ದೇವನಾ ಪ
ಕುಟಿಲ ಶಠಸುರನುಪಟಳ|ಘಟಿಸೆ
ಖಟಮ ನವ್ಯಾಟಪ್ತ ಬಾಯೆನೆ ಶರಣಾ|
ಖಟಖಠಾನೆಂದು ವಿಸ್ಫುಟವಾಗಿ|ಸ್ತಂಬ|
ಛಟಛಟಾನೆನೆ ಬ್ರಮ್ಹಾಂಡ |
ಘಟಪಟುವಂತೆ ಯಾರ್ಭಟದಿಂದಲೊಗೆದನಾ1
ಅರಿಯನರದವನ ಕರಳು ಸರಧರಿಸಿ|
ಭರದಿ ಪೊರೆದೆ ಡಂಗುರನಾ ಹರನಾ
ಗುರುಮಹೀಪತಿ ಪ್ರಭು ಚರಣಚರನೆನಿಸಿದ|
ಸ್ಮರಹರ ಅಜಸುರ ಪರರೊಡೆಯನಾ2

ಪಾಲಿಸೆನ್ನಾ ದೀನ ದಯಾಳಾಪ
ಪಾಲಿಸೆನ್ನ ಸಂವಿಶಾಲ ನಯನಾ|
ಶ್ರೀಲತಾಂಗಿಯ ಲೋಲ ಮುಕುಂದಾ 1
ಅಂಬುರುಹ ಪಾಣ್ಯಾಂಬುಜ ಭವನುತ|
ಕುಂಭಿನಿ ಭಯಹರ ಅಂಬುಧಿವಾಸ2
ನಂದ ನಂದನಾನಂದ ಸ್ವರೂಪಾ|
ನಂದಿವಾಹನಾ ವಂದ್ಯನೆ ಕೃಷ್ಣಾ3

ಹರಿ ಹರಿ ಹರೀ ಎನ್ನಿ | ಮನದೊಳು |
ಸ್ಮರಣೆಗೆ ಕರೆತನ್ನಿ | ಪ
ನಂದನ ಕಂದ ಮುಕುಂದನು ಎನ್ನಿ |
ಇಂದಿರೆ ರಮಣ ಗೋವಿಂದನು ಎನ್ನಿ 1
ಅಂಬುಧಿವಾಸ ವಿಶ್ವಂಭರನೆನ್ನಿ |
ಸುಜನ ಕುಟುಂಬಿಯೆ ಎನ್ನಿ 2
ದುರ್ಧರ ದಾನವ ಮರ್ದನ ಎನ್ನಿ |
ಸ್ಪರ್ಧಾಮ ಪತಿಜಯ ವರ್ದನೆ ಎನ್ನಿ 3
ತೃಪ್ತನು ನಿತ್ಯಹಿ ಸುಪ್ತನು ಎನ್ನಿ |
ಕ್ಷಿಪ್ತನೆನಿಪ ನಿರ್ಲಿಪ್ತನು ಎನ್ನಿ 4
ಗುರು ಮಹಿಪತಿ ಪ್ರಭು ಅರಿಧೃತ ನೆನ್ನಿ |
ಗರುಡ ಅಜಹರಸುತನೆನ್ನಿ 5