ಗಣೇಶ ಪ್ರಾರ್ಥನೆ
ಕರಿವರದನೆ ನಿನ್ನ ವರಗಳ ಬೇಡುವೆ
ವರ ಮತಿ ಪಾಲಿಸೆನ್ನ ಕಾಪಾಡು ಪ.
ಅಂಬಾಸುತ ನಿನ್ನ ನಂಬಿದವರಿಗಿನ್ನು
ಸಂಭ್ರಮ ದೊರಕದಿಹುದೆ
ಪಾದ ಶ್ವೇತಾಂಬರೆ ಮೊಮ್ಮಗನೆ
ಕಂಬುಕಂಠಸುತನೆ ಸಂಭ್ರಮದಲಿ ಬಾ 1
ಕಾಲ್ಗೆಜ್ಜೆ ಪೈಝಣ ಘಲ್ಲುಘಿಲ್ಲೆನುತಲಿ
ನಿಷ್ಕಾಮದನೆ ಬಾ ನಗುತ
ಪ್ರೇಮದ ಪಾರ್ವತಿ ಸುತ ನೀನಲ್ಲವೆ
ಕಾಮಿಸಿ ನಿನ ಪದ ಭ್ರಮಿಸಿ ಪ್ರಾರ್ಧಿಸುವೆ 2
ಕಾಯಿಸಿ ಹಾಲುತುಪ್ಪ ಸಕ್ಕರೆಯೀವೆನೊ
ಮೂಷಕವಾಹನನೆ
ಸೋಸಿಲಿ ಚಿಗುಳಿ ತಂಬಿಟ್ಟು ತೆಂಗಿನಕಾಯಿ
ಶ್ರೀಶ ಶ್ರೀಶ್ರೀನಿವಾಸ ಭಕ್ತನಿಗರ್ಪಿಸುವೆ 3

ಪಾಲಿಸುಗಣನಾಯಕಾ ವಿನಾಯಕ ಪ
ಶೂಲಪಾಶಾಂಕುಶಧೃತ ವರದಾಯಕ ಅ.ಪ
ಲಂಬೋದರಾಂಕಿತ ಜಂಭಾರಿವಂದಿತ
ಕುಂಭೋದ್ಭವಾನತ ಅಂಬಾಸುತ
ಅಂಭೋಜ ಸಖನುತ ಗಂಭೀರ ಗುಣಯುತ
ಸಾರ ಸಂತೋಷಿತ 1
ಆತಂಕಪರಿಹಾರ ಮಾತಂಗಮುಖವೀರ
ಶೀತಾಂಶುಶೃಂಗಾರ ಶ್ವೇತಾಂಬರ
ಭೂತಾಳಿಪರಿವಾರ ಖ್ಯಾತಾವಿಘ್ನೇಶ್ವರ
ದಾತಾರ ಮಾಂಗಿರಿನಾಥಾ ಕೃಪಾಧರ 2

ಪಾಲಿಸೊ ಎನ್ನ ಗಣಪತಿಯೆ ಪ
ಆಲಿಸು ಎನ್ನ ವಿಜ್ಞಾಪನೆಯನು ನೀಂ ಅ.ಪ
ಮೂಷಿಕವಾಹನ ಮುನಿಜನ ಪೋಷಣ
ಶೇಷಾಭರಣ ವಿಶೇಷ ಮಹಿಮನೆ 1
ಅಂಬಾಸುತ ಹೇರಂಭ ನಿನ್ನಯ ಪಾ-
ದಾಂಬುರುಹವ ನೆರೆ ನಂಬಿದೆ ಜೀಯ 2
ಗುರುರಾಮವಿಠಲ ಸ್ಮರಣೆ ಮಾಡುವುದಕೆ ನಿರ್ವಿಘ್ನತೆ ಕೊಡು ಕರುಣವಾರಿಧಿಯೆ3

ರಾಘವೇಂದ್ರ ಜಯತು ಗುರುವರಗೌತಮ ಗೋತ್ರಜ ಪ
ರಾಗರಹಿತಾಂತರಂಗ ಭಕ್ತಾವಳಿ ಸಂಗ ಶೃಂಗ ಅ.ಪ
ಅಂಬಾಸುತ ಪರಿಪೂಜಿತ ಪಾದವ ತೋರೈ ವಂದಿಪೆ 1
ನಿರುತನಿನ್ನ ಪಾದಪದ್ಮವ ನಮಿಸುವಂಥ ಮನವ ಕೊಡೈ
ಪರಮವೈದಿಕನ ಅರಿಯುವ ಶಕ್ತಿಯ ನೀಡು ರಾಘವೇಂದ್ರ2
ತರಳ ಸರಳ ಮೃದುವಚನಪೂರಣ ಸಾಧು ಪೂರ್ಣಸದನ
ಶರಣಸುಜನ ವಾಂಚಿತಾರ್ಥದಾತ ಮಾಂಗಿರೀಶ ಪ್ರೀತ3