ಸುಂದರ ಕೃಷ್ಣನು ಕರೆಯುವ ಬನ್ನಿರೆ
ಇಂದುಮುಖಿಯರೆಲ್ಲ ಪ
ಚಂದದಿ ವಿಹರಿಸುವ ಬನ್ನಿರಿ
ಇಂದುಮುಖಿಯರೆಲ್ಲ ಅ.ಪ
ಭಾಸುರಾಂಗನ ಕೂಡಿ ನಾವು
ರಾಸಕ್ರೀಡೆಯಲಿ
ಈ ಸಂಸಾರದ ಕ್ಲೇಶಗಳನು ಪರಿ
ಹಾಸ ಮಾಡುವ ಬನ್ನಿ 1
ಪರಿಮಳ ಕುಸುಮಗಳ ಸೊಗಸಿನ
ತರುಲತೆ ಬುಡದಲ್ಲಿ
ಮುರಹರ ಕೃಷ್ಣನ ಮುರಳಿಯನೂದುವ
ತರಳೆಯ ಅಂಬನ್ನಿ 2
ನಂದಕುಮಾರನಿಗೆ ನಾವು
ಮಂದಹಾಸದಲ್ಲಿ
ಗಂಧ ತಾಂಬೂಲಗಳಂದದಿ ನೀಡುತಾ
ನಂದಪಡುವ ಬನ್ನಿ 3
ಯಮುನಾ ತೀರದಲಿ ನಾವು
ಸುಮಬÁಣನ ಸೊಲ್ಲನು ಮುರಿಯುವ ಬನ್ನಿ
ಕಮಲಾಕ್ಷಿಯರೆಲ್ಲಾ 4
ಪನ್ನಗವೇಣಿಯರೇ ಈಗ ಪ್ರ
ಸನ್ನವದನ ಕೃಷ್ಣ
ತನ್ನ ಇಂಗಿತವನರುಹಲು ಎಮ್ಮನು
ಸನ್ನೆಯ ಮಾಡುತಿಹ 5