ಏನಯ್ಯ ವಾರಿಜನಯನಾ | ಎನ್ನನುದ್ದರಿಸಲಾರೆಯಾ |
ದೀನಾನಾಥ ದಯಾಂಬುಧಿಯಂಬಾ |
ಶ್ರೀನಾಮದ ಬಿರುದಿನ ಮಹಾಮಹಿಮನಾ ಪ
ಪಾತಕ |
ತಾ ಮೊದಲಿಗೆ ಇಲ್ಲವೋ ಎನುತಾ |
ಆ ಮಹಾಶೃತಿ ಸಾರುತಲಿರೆ ದುಷ್ಕ್ರತ |
ನಾ ಮಾಡಿದ ಘನವಾಯಿತೇ ದೇವಾ1
ಗಜಗಣಿಕಾ ಅಜಮಿಳನಹಲ್ಯಾ |
ವೃಜಗೋವಳ ವ್ಯಾಧರ ಮೊದಲು |
ಭಜನಿಯಿರಲಿ ಇರದಿರಲಿ ಸನಾತನ |
ನಿಜಪದದೋರಿದ ಪರಮ ಉದಾರಾ2
ನೀನೇ ಗತಿ ಎಂದಾನತೆ ನಾದೆ |
ಇನ್ನೇನು ನೋಡುವಿ ಅಂತವಾ |
ನ್ಯೊನವಾರಿಸದೆವೆ ತಾರಿಸು ಪಾಮರ |
ವಣನವನನು ಗುರು ಮಹಿಪತಿ ಸ್ವಾಮಿ 3

ನೋಡುವರೇ ಅಂತವಾ|ನೋಡುವರೇ|
ಮೂಢ ಪಾಮರನೆಂದುದ್ದರಿಸದೇ ಸುಮ್ಮನೇ ತಾಕೂಡುವುದೇ ಪ
ಜ್ಞಾನ ಧ್ಯಾನ ಮೌನವರಿಯೆ|ಪೂಜೆಯ ನಾ ಮಾಡುವರೇ|
ಗಾನ ಮಾನ ಏನೂ ಅರಿಯೆ|ಸ್ತುತಿ ಸ್ತವನ ಪಾಡುವರೇ?1
ಚತುರ ಉತ್ತರ ಮಾತುಗಳರಿಯೆ|ಸತ್ಸಂಗದಿ ಕೂಡುವರೇ|
ಇತರ ಯಾತರ ಆತುರನರಿಯೆ|ವರಗಳನಾ ಬೇಡುವರೇ 2
ಹಾವ ಭಾವ ಭಕ್ತಿಗಳರಿಯೇ|ಛಲ ಬಿಂಕವ ಹಿಡಿವರೇ|
ದೇವಕಾವುದು ಮಹಿಪತಿ ಸುತ ಪ್ರಭುತವ ದಾಸನ ಮಾಡುವರೇ3