ನೋಡೊ ಮನ ಕೊಂಡಾಡೊ ಮರೆಯದಲೆ
ಮನ ಚಿಂತÀ ಲ್ರೇವ ಲೇಶನ ?
ಪಾಡುತಿರೆ ಕೃಷ್ಣಾತೀರದ್ವಾಸನ
ಮಾಡೊ ಮಹಾತ್ಮರೆಂದೆನಿಸೊ ದಾಸರ
ಜೋಡು ಪಾದಂಗಳಿಗೆ ವಂದನೆ ಪ
ಅಂಜನೆಯಲ್ಲುದಿಸಿ ಕೌಸಲ್ಯಾ-
ಕಂದನಂಘ್ರಿಕಮಲ ಸೇವೆಗೆ
ಅಂಗದ ಮೊದಲಾದ ಕಪಿಗಳ
ಸಂಗ ಬಿಟ್ವಾರಿಧಿಯನ್ಹಾರುತ
ಭಂಗ ಬಡಿಸುತ ರಾವಣನ ಪುರ
ಮಂಗಳಾರತಿ ಮಾಡಿ ಜಾನಕಿ
ಗುಂಗುರವನಿಟ್ಟೆರಗಿ ರಾಮರಿ
ಗಂಗನೆಯ ವಾರ್ತೆಗಳನರುಹಿದೆ1
ಕುಂತಿಸುತನಾಗ್ಯುದಿಸಿ ಬ್ಯಾಗನೆ
ಪಂಥಮಾಡುತ ಕೌರವರ ಕುಲ-
ಕಂತಕನು ನಾನೆಂದು ರಣದೊಳು
ನಿಂತು ಗದೆ ಹಾಕವರ ಸವರುತ
ಅಂತರಂಗದಿ ಹರಿಯ ದಿವ್ಯಾ-
ನಂತ ಗುಣಗಳ ತಿಳಿದು ದ್ರೌಪದೀ-
ಕಾಂತನೆನಿಸಿ ತಾ ಕರುಣನಿಧಿಗೇ-
ಕಾಂತ ಭಕ್ತನೆಂದಿನಿಸಿದಾತನು 2
ಮಧ್ಯಗೇಹಭಟ್ಟರಲ್ಲಿ ಮಗನಾ-
ಗಿದ್ದ ಸುಜನರಭೀಷ್ಟದಾಯಕ
ಗೆದ್ದು ಮಾಯಾವಾದಿಗಳನೆ ಪ್ರ
ಸಿದ್ಧಿನೆನಿಸಿದೆ ಸರ್ವಲೋಕದಿ
ಶುದ್ಧ ಜ್ಞಾನಾನಂದತೀರ್ಥರು
ಮಧ್ವಮತದ ಬಿರುದನೆತ್ತಿದ
ಪದ್ಮಪತಿ ಭೀಮೇಶಕೃಷ್ಣಗೆ
ಪರಮಭಕ್ತನೆಂದೆನಿಸಿದಾತನು 3