ಸಂಪ್ರದಾಯದ ಹಾಡುಗಳು
(ಗುರುವಾರದ ಶುಭದಿನದಂದು)
ಅಂಗಿರಾವುತನನ್ನು ನೋಡಿರೊ ನಿತ್ಯ
ಮಂಗಳ ಮಹಿಮೆಯ ಪಾಡಿರೊ ಪ.
ಗುರುವಾಸರ ಬಂದು ಒದಗಲು ನಾನಾ
ಪರಿಯ ಪುಷ್ಪಗಳ ತಂದಿರಿಸಲು
ದೊರೆಯು ಗೌರಾಂಗಿಯ ಧರಿಸಲು ನೋಡೆ
ದುರಿತ ರಾಶಿಗಳ ಪರಿಹರಿಸಲು 1
ಶಂಖ ಚಕ್ರ ಗದಾಬ್ಜ ಗದೆಗಳನು ನಿಃ-
ಶಂಕೆಯಿಂದ ಧರಿಸಿರುವನು
ಮಂಕು ಮನುಜರಿಗೆ ದೊರಕುವಾ-
ತಂಕಗಳೆಲ್ಲ ಪರಿಹರಿಪನಾ 2
ಇಂದಿರೆಯನು ಮೋಹಗೊಳಿಸುವ ಪೂರ್ಣಾ
ನಂದ ವೆಂಕಟರಾಜನಿರುತಿಹ
ಚಂದವ ನೆನೆವುತ್ತ ಸ್ತುತಿಸುವ ಭವ
ಬಂಧಗಳೆಲ್ಲ ಕತ್ತರಿಸುವ 3