ದಾಸನಾಗೋ ಪ್ರಾಣಿ ಬರಿದೆ
ಕಾಣಿ ಪ
ದಾಸನಾಗು ರಮೇಶನ ಪಾದ
ಹೇಸಿಮನಸಿನ ಕ್ಲೇಶವ ನೀಗಿ ಅ.ಪ
ಹಮ್ಮು ಬಿಟ್ಟುಬಿಡೋ ಈಶತ್ವ
ಸುಮ್ಮನಲ್ಲ ನೋಡೋ
ಸಮ್ಮತ್ಹೇಳಬೇಡೋ ಮಹವಾಕ್ಯ
ಮರ್ಮಶೋಧ ಮಾಡೋ
ಹಮ್ಮು ಅಹಂಕಾರ ದೂಡಿ ನಿರ್ಮಲಮತಿಗೂಡಿ
ಒಮ್ಮನದಿಂ ಪರಬ್ರಹ್ಮನ ಪಾಡಿ 1
ಶಂಕೆಯನೀಡ್ಯಾಡೋ ಚಿತ್ತದ ಕ
ಲಂಕ ದೂರ ಮಾಡೋ
ಓಂಕಾರರ್ಥ ಮಾಡೋ ಬ್ರಹ್ಮದ
ಅಂಕಿತಿಟ್ಟು ಪಾಡೋ
ಕಿಂಕರನಾಗದೆ ಶಂಕರ ನಿನಗೆಲ್ಲಿ
ಮಂಕುತವನವ ಬಿಟ್ಟು ಸಂಕರುಷಣನ 2
ಹಾಳು ವಾಸನೆ ತೂರಿ ನಿಜವಾದ
ಶೀಲಜನರ ಸೇರಿ
ಮೂಲತತ್ತ್ವದಾರಿ ಅನುಭವ
ಕೀಲಿ ತಿಳಿದು ಭೇರಿ
ತಾಳನಿಕ್ಕುತ ಮಮಶೀಲ ಶ್ರೀರಾಮನ
ಮೇಲೆಂದು ನಂಬಿ ಭವಮಾಲೆ ಗೆಲಿದು ನಿಜ 3