ಹೊಂದಿ ಬದುಕಿರೋ ಮನವೆ ಇಂದಿರೇಶನ
ಎಂದೆಂದಗಲದೆ ದ್ವಂದ್ವ ಶ್ರೀಪಾದವ ಹೊಂದಿ
ಸುಖಿಯಾಗೋ ತಂದೆ ಸರ್ವೇಶನ ಧ್ರುವ
ಮುಚ್ಚಿಕೊಂಡು ಮುಕುತಿ ಸಾಧನ
ಹುಚ್ಚುಗೊಂಡು ಸಚ್ಚಿದಾನಂದನ
ಬಚ್ಚಿಟ್ಟುಕೊಂಡು ನಿಜ
ನೆಚ್ಚಿಕೊಂಡಿರೋ ನೀ ಅಚ್ಯುತಾನಂತನ 1
ಹರಿಚರಣ ಕಮಲವ ಕಂಡು
ಹರಿನಿಜಧ್ಯಾನ ನೆಲೆಗೊಂಡು
ಹರಿಕರುಣವ ಪಡಕೊಂಡು
ಹರಿನಾಮಾಮೃತ ಸವಿದುಂಡು 2
ಶ್ರೀಹರಿಸೇವೆ ಮಾಡಿಕೊಂಡು
ಇಹಪರ ಸುಖ ಸೂರೆಗೊಂಡು
ಬಾಹ್ಯಾಂತ್ರಪೂರ್ಣ ಮನಗಂಡು
ಮಹಿಪತಿ ಸ್ವಾಮಿ ವಾಲ್ವೈಸಿಕೊಂಡು 3