ಬಾರೋ ಮನೆಗೆ ಶ್ರೀಧರನೆ ನಿಜಪರಿ
ವಾರದೊಡನೆ ಗುಣವಾರಿಧಿಯೆ ಪ
ಮಾರಜನಕ ಸುಕುಮಾರಾಂಗ ಪರಮೋ
ದಾರಾಕೃತಿಯ ನೀ ತೋರಿಸೆನಗೆ 1
ಎಷ್ಟು ಜನ್ಮದ ತಪ ಒಟ್ಟಾಗಿ ಸೇರಲು
ದೃಷ್ಟಿಸುವೆನೊ ಶ್ರೀ ಕೃಷ್ಣ ನಿನ್ನನು 2
ಚಿನ್ನದ ಪೀಠದಿ ರನ್ನದ ಕಲಶದಿ
ಚನ್ನಾಗಿ ತೊಳೆಯವೆ ನಿನ್ನಡಿಗಳ 3
ಗಂಧವ ಹಚ್ಚಿ ಸುಗಂಧ ತುಳಸೀದಳ
ದಿಂದಾಲಂಕರಿಸುವೆ ಸುಂದರಾಂಗನೆ 4
ಜಾಜಿಯು ಮೊದಲಾದ ಹೂಜಾತಿಗಳ ತಂದು
ಮೂಜಗದೊಡೆಯನನು ಪೂಜಿಸುವೆನೊ5
ಲೋಪವಿಲ್ಲದೆ ದಿವ್ಯ ಧೂಪವನರ್ಪಿಸಿ
ದೀಪಂಗಳನು ಬಹು ದೀಪಿಸುವೆನು 6
ಘೃತ ಮೇಲಾದ ಭೋಜ್ಯವ
ಮೇಳೈಸುವೆನು ಶ್ರೀಲೋಲನಿಗೆ 7
ಕರ್ಪೂರವೀಳ್ಯವನರ್ಪಿಸಿ ಮೋದದಿ
ಕರ್ಪೂರದಾರತಿಗಳರ್ಪಿಸುವೆನು 8
ಮಣಿದು ನಿನ್ನಂಘ್ರಿಗೆ ಹಣೆಯ ಚಾಚುತ ಮನ
ದಣಿಯುವಂದದಿ ನಾ ಕುಣಿದಾಡುವೆ 9
ಸದಯ ನಿನ್ನಂಘ್ರಿಯ ಹೃದಯಾರವಿಂದದ
ಸದನದೊಳಿಂಬಿಟ್ಟು ಮುದಮೊಂದುವೆ 10
ಶರಣಾಗತರನೆಲ್ಲ ಕರುಣದಿ ಸಲಹುವ
ವರದವಿಠಲ ಪುಲಿಗಿರಿಧಾಮನೆ 11

ಬೋಧ ನಡತೆಯಲಿ ಕತ್ತೆಯಾದೆ ಪ
ನೀರಲಿ ನೆರಳನೆ ನೋಡುವೆ ಹಣೆಗೆ ಗಂಧವ ತೀಡುವೆಹಾರ ತುರಾಯ್ಗಳ ಸೂಡುವೆ ಮೋರೆಯನೆತ್ತೆತ್ತ ಮಾಡುವೆ1
ಜಾರೆಯರೊಡನೆ ಬೆರೆವೆ ಕಿಸಿ ಕಿಸಿ ಹಲ್ಲನೆ ಕಿರಿವೆಬಾರದ ಪದವ ಒದರುವೆ ಹಮ್ಮಿನಿಂದೆಲ್ಲೆಲ್ಲಿ ಮೆರೆವೆ2
ಬಿಡುವೆನು ಗುರುಪಾದವೆಂಬೆ ಬೇಡಿತಿಯ ಕೂಡುವೆನೆಂಬೆಸುಡುವೆನು ಕಪನಿಯನೆಂಬೆ ಲಿಂಗವ ಕಟ್ಟಿರಿ ಎಂಬೆ 3
ವಿಧ ವಿಧ ವೇಷವ ಧರಿಸಿ ಬಹು ಜಾತಿಯಲಿ ಕೈ ಬೆರಳಿರಿಚಿದಾನಂದ ನೀ ಮೆರೆಸಿ ಬಾಳುವೆ ದೊಡ್ಡವನೆನಿಸಿ 4

ಮನ್ಮಥ ಚರಿತೆ340
ವರಸಿದ್ಧಿ ಗಣೀಶನ ಬಲಗೊಂಡೀ-
ಶ್ವರನ ಪದಕೆ ನಮಿಸಿ | ಶಾರದೆಯ
ಹರುಷದಿ ಸಂಸ್ಮರಿಸಿ | ಚ
ತುರ್ಮುಖಗಳ ನೆರೆ ಭಜಿಸಿ
ಹರುಷದಿ ನುತಿ ಮಾಡಿ | ಮಾಡಿ-
ದ ಕೃತಿಯ ಸುಜನರು ನೋಡಿ 1
ಕಾಮಜನಕ ನಿಷ್ಕಾಮಜನಾಪ್ತ | ಸು-
ಧಾಮನ ಸಖ ಹರಿಯು |
ಮೂರು ಲೋಕಗಳಿಗೆ ತಾ ದೊರೆಯು | ಎನ್ನಹೃ-
ತ್ಕಮಲದೊಳೀಪರಿಯು
ಕಾಮನ ಸುಚರಿತೆಯು | ಸಜ್ಜನರು-
ಇಹಪರ ಸದ್ಗತಿಯು | 2
ಪೃಥಿವಿಯೊಳಿಹ ಸುಜನರು ಕೇಳಿ | ಮ
ನ್ಮಥ ಚರಿತ್ರೆಯನು | ಸಹ-
ರ್ಷೋತ್ಕರದಿ ನೀವ್ಗಳಿದನು | ಭಜಿಸೆ ಸ-
ದ್ಗತಿಗಳನು ಕೊಡುವನು |
ಶತಮುಖವಂದಿತ ಸಿರಿದೇವಿಯರಸ-
ನೊಲಿದು ಪಾಲಿಸುವನು | ಜನರ ಕೋ-
ರಿದ ಕೋರಿಕೆಗಳನು |
ತಾ ಕೊಟ್ಟವರನು ಪಾಲಿಪ ತಾನು 3
ತಾರಕಾಸುರನ ಭಯದಿಂದಲಿ ವೃಂ-
ದಾರಕರೆಲ್ಲ ಕೂಡಿ | ಮನದಿ
ಆಲೋಚನೆಗಳ ಮಾಡಿ | ವನಜ ಸಂ-
ಭವನಡಿಗಳ ಬೇಡಿ |
ಯಾರು ನಮಗೆ ದಿಕ್ಕೆಂದು ಕಳವಳಿಸಿ
ನಾರಾಯಣನ ತ್ವರಿತದಲಿ | ಕಂಡು ವಂ-
ದಿಸಿದರು ತವಕದಲಿ | 4
ವಾರಿಜಾಕ್ಷ ಪರುಷೋತ್ತಮ ವಿಶ್ವಾ-
ಧಾರ ಪರಾತ್ಪರನೆ | ಅನಂತನವ-
ತಾರ ಕೃಪಾಕರನೆ | ನಾವೆಲ್ಲ
ಸೇರಿದೆವೈ ನಿನ್ನನೆ |
ತಾರಕಾಸುರನ ಬಾಧೆ ಪರಿಹರಿಪ-
ರ್ಯಾರನು ನಾವ್ ಕಾಣೆವೈಯ್ಯ | ಉ--
ದ್ಧಾರ ಮಾಳ್ಪನು ನೀನೆ | ಭಕ್ತಜನ-
ವಾರಿಧಿ ಚಂದ್ರಮನೆ | 5
ಎನಲು ಸುರರೊಡನೆ ನುಡಿದನಾಗಲಾ-
ವನಜನಾಭ ತಾನು | ಈ ಕಾರ್ಯ-
ಕೆನಾ ಮಾಡುವುದೇನು | ಭ-
ವಾನೀಧವನಾಗಿ ಶಿವನು |
ಘನತಪವನಾಚರಿಸುತ್ತ ಮೇರುಗಿರಿ
ಗುಹೆಯೊಳು ಕುಳಿತಿಹನೊ | ಫಾಲದಲಿ
ಉರಿಗುಣ್ಣುಳ್ಳವನು | ಏನಾದರು
ಸರಿ ತಾ ಲೆಕ್ಕಿಸನು | 6
ಕಾಮನಿಂದ ಶಂಕರನ ತಪಕಿಡಿಸಿ
ಕರುಣಿಸಬೇಕೆಂದು ಬೇಡಿ | ಕೊಂ-
ಡರವ ನಿಮ್ಮೊಳು ದಯಮಾಡಿ | ತ-
ಕ್ಕಯೋಚನೆಗೈಯ್ಯುವ ನೋಡೀ |
ತಾಮಸನ ಮುರಿದು ನಿಮಗೆ ಸಂತತವ
ಕೊಡುವನು ಮುದಗೂಡಿ | ಎಂದು
ಪೇಳಿದ ಶ್ರೀಹರಿಯನುಡಿ | ಕೇಳಿ
ಇಂದ್ರನು ಗುರುವನು ನೋಡಿ 7
ಚಂದದಿಂದ ಸೇರಿ | ಸ್ಮರಗೆಯಿದ-
ರಂದವೆಲ್ಲವುಸುರಿ | ಅವನಮನ
ಶೌರಿ ಕಂದನೆಯಂತಾದರು ತಂದರೆ ಸುಖ-
ವೆಂದನುಪಕಾರಿ | ಗುರು
ವಂದಿಸೆ ಸುರರ ದೊರಿ | ಬೀಳ್ಕೊಂಡು
ಬಂದನು ಕುಸುಮಪುರಿ8
ಕುಸುಮಾವತಿಯಲಿ ಮೀನಕೇತನನ
ಶಶಿನಿಭವದನೆಯರು | ಸೇ-
ವಿಸುತಿರೆ ಹಸನಾದ ಪನ್ನೀರು | ಪುನಗು
ಅಗರು |
ಕುಸುಮಶರನ ಉಪಚರಿಸುತ ಬಾಲೆಯ-
ರೆಸೆಯಲು ಮೋದದೊಳು | ರತಿ-
ಕ್ರೀಡೆಯಲಿ ಮನಕರಗಲು | ಬೃ
ಹಸ್ಪತಿಯನಿತರೊಳೈತರಲು 9
ಊಳಿಗದವರಿಂದ್ಹೇಳಿ ಕಳುಹೆ ಗುರು
ಕೇಳಿ ಸುದ್ದಿ ಮಾರಾ | ತವಕ
ಪರಿಪರಿಯುಪಚಾರ |
ಶ್ರೀಪತಿಯ ಕುಮಾರ | ಬಂದಹದ-
ನೇನೆನುತ ಪದಾರ | ವಿಂದ-
ಕೆರಗಿದನಾ ಕುಸುಮಶರ 10
ಭಯದೊಳಮರರೆಲ್ಲ |
ಕ್ಷೀರಸಾಗರಕೆ ಪೋಗಿ ಎಲ್ಲ | ಬಿನ್ನೈ-
ಸಲು ಕೇಳಿ ಸಿರಿಯನಲ್ಲಾ |
ಅರಘಳಿಗಾಲೋಚಿಸಿ ಎನ್ನೊಳುನುಡಿ-
ದನುಕೇಳಿಸಿರಿಯನಲ್ಲಾ | ಖಳಗೆಧರೆ-
ಪರಿ ಎಲ್ಲವನು ಬಲ್ಲ 11
ಕಾಮನು ಪುಷ್ಪ ಶರಗಳಿಂದೆಸೆಯಲು ಗೌ-
ರಿಮನೋಹರನೂ | ಬ-
ಹಿರ್ಮುಖನಾಗುತ ಶಂಕರನೂ | ನಿ-
ಕ್ಷೇಮವ ಪಾಲಿಪನು | ರಜತಗಿ
ರಿವಾಸಿ ಮಹೇಶ್ವರನು | ಇದಕೆ
ಗುರಿಯಾದ ಎನ್ನ ಮಗನು 12
ನಾವು ಪೇಳಿರುವೆವೆಂದು ನಮ್ಮ ಸು-
ಕುಮಾರ ಮನ್ಮಥನಿಗೆ | ಇದೆಲ್ಲಾ ಪೇ-
ಳಿವಿವರಮಾಗೆ | ಕರೆದುಕೊಂ-
ಡ್ಹೋಗಿ ಶಿವನ ಬಳಿಗೆ |
ಪಾವಕಾಕ್ಷ ಬಲು ಕರುಣಾನಿಧಿಯಿ-
ನ್ನೇನು ಚಿಂತೆ ನಮಗೆ | ಬೇಗನಡೆ
ಯೆಂದ ಹರಿಯು ಎನಗೆ |
ಸಕಲವೂ ತಿಳಿಸಿದೆ ನಾನಿನಗೆ | 13
ಪರಿಯೋಚನೆ ಮಾಡು | ಸ-
ತ್ಕೀರ್ತಿಯ ಸಂಪಾದನೆ ಮಾಡು |
ಭರದಿ ಹೂ ಶರಗಳ ನೀ ಹೂಡು |
ಹರನ ತಪವ ಭಂಗಿಸಿ ನಮ್ಮೆಲ್ಲರ
ಕರುಣದಿ ಕಾಪಾಡು | ತಂದೆಯ-
ಪ್ಪಣೆಯ ಮನದಿ ನೋಡು | ಮೂಜಗದಿ
ಯಾರು ನಿನಗೆ ಜೋಡು | 14
ಈ ಪರಿಪೇಳಿದ ಗುರುವಿನ ನುಡಿಯನು
ಶ್ರೀಪತಿಯ ಕುಮಾರ | ರತಿಯೊಡನೆ
ಮಾರ | ನುಡಿದಳಾ
ಶಿವನು ಮಹಾಕ್ರೂರ |
ಆಪತ್ತೊದಗುವುದೀಗ ಬೇಡ ಎಂ-
ಕಂದರ್ಪಮನದಿ ಸೋತು | ಬೃಹಸ್ಪತಿ-
ಗೆಂದ ಕಾಮನಿನಿತು 15
ಸಮ್ಮತಿಯಿದು ಕೇಳಿ | ಪೂಶರನ
ಬಿಡಲು ಚಂದ್ರಮೌಳಿ | ಕೋಪಿಸಲಾ
ಹಣೆಗಣ್ಣೆನಗಾಳೀ |
ಬ್ರಹ್ಮಾಂಡಗಳಾದರು ದಹಿಸುವುದು
ಎನ್ನಳವೇ ಎಂದಾ | ಈ ಕಾರ್ಯಕೆ
ನಾನು ಬಾರೆನೆಂದ | ನುಡಿಗೆ ಸುರ-
ಗುರುಮತ್ತಿಂತೆಂದ | 16
ಮರೆಹೊಕ್ಕಿರುವಮರರ ಪಾಲಿಸುನೀ
ಕಂದರ್ಪ | ಜಗ-
ತ್ಕಾರಣನೈನಿಮ್ಮಪ್ಪ | ಪೇಳ್ದನುಡಿ
ನಡಿಸಲು ಬೇಕಪ್ಪಾ |
ಪರಿಪರಿಯಲಿ ನೋಡಿದರು ಜಗದೊಳಗೆ ನಿನ್ನ
ಸರಿಯಾರಪ್ಪಾ | ನಮ್ಮ ನುಡಿ
ಮೀರಬಾರದಪ್ಪಾ | ಅಷ್ಟು ಪೇಳಿ-
ದರು ಕಾಮವೊಪ್ಪಾ | 17
ಕಾಮನವೊಪ್ಪಿಸಿ ಕರದೊಯಿದಮರರು
ಕೈಲಾಸವ ಸೇರಿ | ಅರುಹಿದರು
ಗಿರಿರಾಜ ಕುಮಾರಿ |
ಕೇಳಿನಡೆತಂದಳಾಗಗೌರಿ |
ವ್ಯೋಮಕೇಶನಿಹ ಗವಿಯ ದ್ವಾರಕೇ
ಬರಲು ನೋಡಿ ನಂದಿ | ತಾಯಿನೀ-
ನಿಲ್ಲಿಗೇಕೆ ಬಂದಿ | ಏನು ಅ-
ಪ್ಪಣೆಯೆಂದನು ನಂದಿ 18
ವಂದನೆ ಒಳಗೆ ಹೋಗುವನು ಇವನನೀ
ತಡೆಯಬೇಡವಯ್ಯ | ಎನ್ನ
ಕಂದನು ಇವ ಕೇಳಯ್ಯ | ಎಂದು ಪೇ-
ಳಿದ ಗೌರಿಯ ನುಡಿಯಾ |
ಮುದದಿ ಶಿರದೊಳಾಂತನು ನಂದೀಶ್ವರ
ಮುಂದೆ ಕೇಳಿ ಕಥೆಯ | ಅನಿತರೊಳ್
ಬಂದ ಕಾಮರಾಯ | ಪೋಗ ಬಹು-
ದೆಂದ ಪ್ರಥಮಗೇಯ | 19
ಕಾಮಪೊಕ್ಕನಂದು | ಕರದಿ ಜ-
ಪಮಾಲೆ ಪಿಡಿದು ಮುಂದು | ಮ-
ಹಾಮಂತ್ರಗಳ ಜಪಿಸುತಂದು |
ನೇಮದೊಳೇಕೋಭಾವದೊಳಿರುತಿಹ
ಸೋಮಧರನ ಕಂಡ | ಏ-
ನು ಮಾಡುವದೆಂದು ಪ್ರಚಂಡಾ | ಇಕ್ಷುಧ-
ನುಶರಗಳ ಕೈಕೊಂಡಾ | 20
ವಿನಯದಿಂದ ಪ್ರಾರ್ಥಿಸಿ ಮಾತಾಡಿಸು-
ವೆನೆಂದು ಶಂಕರನ | ನುತಿಸಿ ಬೇಡಿ-
ದನು ಶೂಲಧರನಾ | ಎಷ್ಟಾದರು
ಕರಗಲಿಲ್ಲವನಮನಾ | ಪರಿಪರಿಯೋ-
ಚನೆ ಮಾಡಿ ಮನ್ಮಥನು |
ಬೆರಗಾಗುತಾ ನಿಂತಾ
ಸಮಯನೋಡುತ-
ಲಿರತಿಯ ಕಾಂತಾ | ಮನ
ದಿ ಹೊಂದಿದನು ಮಹಾಚಿಂತಾ 21
ನೆಂದು ಯೋಚಿಸಿದನು | ಇ-
ಕ್ಷು ಧನುವನು ಜೇ ಹೊಡೆದಾನು | ಮಹೇ-
ಶನ ಮರ್ಮಸ್ಥಳಗಳನು |
ಪುಷ್ಪ ಬಾಣಗಳೂಡೆಸೆಯೆ ಮ-
ಶರಗಳನು ಸುರಿದಾನು | ಜ-
ನರೆ ಕೇಳೀಯಾಶ್ಚರ್ಯವನು | 22
ಆ ಮಹೇಶ್ವರನ ಮೂಲ ತಿಳಿಯಲಿಂ-
ದ್ರಾದಿಸುರರಿಗಳವೆ | ಕೇಳಿಯೀ
ಕಾಮನೇನು ಲಕ್ಷ್ಯವೆ |
ಕರಿಚರ್ಮಾಂಬರನಾ | ಮೀನ ಕೇ-
ತನನ ಬಾಣಕೆ ಮನಾ | ಬಹಿರ್ಮು-
ಖನಾಗಿ ನೋಡಿ ಸ್ಮರನಾ | 23
ಕಣ್ಣುತೆಗೆದು ಮುಕ್ಕಣ್ಣಯಲೋ ನಿನ-
ಗೆನ್ನೊಳೇಕೆ ಪಂಥಾ | ಛೀ
ಛೀನಡಿ ಹೋಗು ಹೋಗು ಭ್ರಾಂತ | ಎಂದು ತಾ-
ತನ್ನನಿಜಸ್ವಾಂತ-|
ವನ್ನು ಪೂರ್ವದಂದದಿ ತಪದಲ್ಲಿರಿಸಚ-
ಪೋಲ್ವಂದದಲಾ ಶಾಂತಾ | ಶೂರ್ಪಕಾ-
ರಿಯು ಎದುರಲಿ ನಿಂತಾ | 24
ನಾನು ಬಂದಾ ಕಾರ್ಯವ ಕೇಳದಲೆ ಇ-
ದೇನೀ ಪುರಹರನು | ಛೀಹೋಗೋ-
ಗೆಂದು ಗರ್ಜಿಸಿದನು | ಎನುತ ತೆ-
ಗೆದೆಚ್ಚ ಪೂಶರವನು |
ನಾನಾವಿಧದಲಿ ತನ್ನ | ಚಮತ್ಕಾ-
ರಗಳ ತೋರಿಸಿದನು | ಮನದಿ
ಭಯಗೊಳುತ ಮನಸಿಜನು |
ಮುಂದಾಗುವ ಕಥೆಯ ಕೇಳಿಯಿನ್ನು 25
ಭರ್ಗಕಣ್ದೆರೆದು ನೋಡಲಾಕ್ಷಣದಿ
ಭರದಿಂ ಮನ್ಮಥನಾ | ಕೋಪಕಿಡಿ-
ಯಿಡುತ ಫಣೆಗಣ್ಣ | ತೆಗೆದು
ನೋಡಲು ತಕ್ಷಣ | ಚಿಣ್ಣಾ
ಭುಗ್ಗು ಭುಗ್ಗುಯೆಂದೇಳ್ವ ಉರಿಗಳಿಂ
ದಗ್ಧನಾದ ಮದನಾ | ಭಸ್ಮದಂ-
ತಿದ್ದು ಮರ್ಮಸದನಾ | ಅಗ್ನಿವ್ಯಾ
ಪಿಸೆ ಬ್ರಹ್ಮಾಂಡವನಾ 26
ಸುರರು ಕಿನ್ನರರು ಗಡಗಡ ನಡುಗುತ
ಬೆರಗಾದರು ನೋಡಿ | ಅವರ-
ಶಿರವನಲ್ಲಾಡಿ |
ಚರರು ಬಂದು ರತಿಗೀ ಸುದ್ದಿಯ ಪೇಳಿ-
ದರು ದುಃಖ ಮಾಡಿ | ಕೇಳಿ
ನಾರಿಯರು ಶೋಕವಮಾಡಿ | ರತಿಯು
ನೆಲದೋಳ್ ಬಿದ್ಹೊರಳಾಡಿ | 27
ಹಾಹಾರಮಣಾ ಹಾ ನಿಜೇಶ ಹಾ
ಪ್ರಾಣಕಾಂತಕಾಮಾ | ಎನ್ನ
ಕರ್ಕಶನಿಸ್ಸೀಮ |
ಸಾಹಸ ಮಾಡುವೆನೆಂದು ಪೋಗಿ ಶಂ-
ಕರನಿಂದಲಿ ಮಡಿದೆ | ಪೇಳಿದಮಾ-
ತ್ಕೇಳದೆ ನೀ ನಡೆದೇ | ಪೋಗಬೇ-
ಡೆಂದು ನಾನು ನುಡಿದೆ 28

ಮಾನವ ನಿನ್ನ ಹಣೆಬರೆಹವಲ್ಲದೆ ಇಲ್ಲ ಪ
ಸಿರಿವಂತನ ಸ್ನೇಹವ ಮಾಡಿ ನಡೆದರು ಇಲ್ಲಪರಿಪರಿಯಲಿ ವಿದ್ಯೆಯ ಕಲಿತರಿಲ್ಲನರಿಯ ಬುದ್ಧಿಯಿಂದಲಿ ನಡೆದುಕೊಂಡರು ಇಲ್ಲಅರಿಯದೆ ಹಲವ ಹಂಬಲಿಸಿದರು ಇಲ್ಲ 1
ಕೊಂಡಾಡಿ ಕಾಡಿ ನೀ ಬೇಡಿಕೊಂಡರು ಇಲ್ಲಕಂಡ ಕಂಡವರಿಗೆ ಕೈ ಮುಗಿದರಿಲ್ಲಗಂಡುಗತ್ತರಿಯನು ಕೊರಳಿಗಿಟ್ಟರು ಇಲ್ಲ - ಪ್ರ-ಚಂಡನಾದರು ಇಲ್ಲ, ಪರಿಹಾಸ್ಯವೆಲ್ಲ 2
ಕಟ್ಟಾಳು ಕಡುಜಾಣನಾಗಿ ಪುಟ್ಟಿದರಿಲ್ಲಬೆಟ್ಟವನು ಕಿತ್ತು ತಂದಿಟ್ಟರಿಲ್ಲಸೃಷ್ಟಿಯೊಳು ಕಾಗಿನೆಲೆಯಾದಿಕೇಶವರಾಯಕೊಟ್ಟವರಿಗುಂಟು ಕೊಡದವರಿಗಿಲ್ಲ3

ಮುದ್ದು ಕೃಷ್ಣಯ್ಯನ ನೋಡಾನ ಬನ್ನಿ ಪ
ಕೃಷ್ಣಗೆ ಪೂಜೆಯ ಮಾಡಾನ ಬನ್ನಿ ಅ.ಪ
ಚಿನ್ನದ ತೊಟ್ಟಿಲಲ್ಲಿ ಚೆನ್ನಾಗಿ ಕುಂತವ್ನೆ
ಚೆನ್ನ ಚೆಲುವನಕ್ಕೋ ನಗುತವ್ನೇ
ಕನ್ನೆ ರಾಧಮ್ಮಗೆ ಸನ್ನೆಯ ಮಾಡುತವ್ನೆ
ಬನ್ನಿ ಬನ್ನಿ ಎಂದು ಕರಿತವ್ನೆ 1
ಹುಬ್ಬಹಾರಿಸ್ತವ್ನೆ ಮಬ್ಬ ತೋರಿಸ್ತವ್ನೆ
ಅಬ್ಬಬ್ಬ ಇವನಾಟ ಬಲ್ ತಮಾಸೆ
ಒಬ್ಬಿಟ್ಟು ಬೇಕಂತ ಕೈಲೇ ತೋರಿಸ್ತಾನೆ
ಅಬ್ಬ ಇವ ಏಳೋದು ಒಂಥರ ಬಾಸೆ 2
ಎಂಥ ಮುದ್ದಿನ ಮೊಗ ಚೆಂದುಳ್ಳಿ ಚೆಲುವ
ಇಂಥವ್ನ ನೀವೆಲ್ಲೂ ಕಂಡಿಲ್ಲ ಬನ್ರೋ
ನಿಂತು ನೋಡಬೇಕಿವಗೆ ಆಲು ಮೊಸರು ಬೆಣ್ಣೆ
ಹಣ್ ತುಂಬಿದ ಗಂಗಾಳ ತನ್ರೋ 3
ಕಿನ್ನರ ಗೆಜ್ಜೆ
ಕೈಗೆ ಔಜುಬಂದಿ ತೊಟ್ಟವ್ನೆ
ಕಣ್ಗೆ ಕಪ್ಪಾ ಹಚ್ಚಿ ನವಿಲ್ಗರಿ ತಲ್ಗಿಟ್ಟಿ
ಹಣೆ ಉದ್ದಾದ ತಿಲಕ ಇಟ್ಟವ್ನೇ 4
ರಾಮ್ನೂ ನಾನೆಂತಾನೇ ಭೀಮ್ನೂ ನಾನೆಂತಾನೇ
ಕಾಮ್ನಪ್ಪನೂ ನಾನೆ ನೋಡಂತಾನೆ
ನಿಮ್ಮೂರ ದೇವ್ರಾಣೆ ನಾನೆ ಮಾಂಗಿರಿರಂಗ
ನಿಮ್ನ ಕಾಯೋಕ್ಬಂದೆ ಅಂತಾನೆ 5

ಮುದ್ದು ತಾರೋ ರಂಗಾ ಮುದ್ದು ತಾರೋ ಕೃಷ್ಣಾ
ಸಿದ್ಧ ವೇದಾ ಗಮಾ ಭೇದ್ಯ ಮೋಹನ್ನಾ ಪ
ಕಾಣಲಿಕ್ಕೆ ಹಸಿವೆ ತೃಷೆಗಳೇ ಮರೆವದು
ಏಣಾಂಕ ಬಿಂಬ ಮೊದಾ ಬಾಯಿಂದಾ 1
ಕರ್ಪುರವಾ ಕರಡಿಗಿಯಂತೆ ಹೊಳೆವುತಾ
ವಪ್ಪುತಿಹ ಚಲ್ವ ಪುಟ್ಟ ಬಾಯಿಂದಾ2
ಅಮ್ಮ ತಾರಮ್ಮ ನಾನುಂಡೆನೆಂದು ಕೈಯ ಬೀಸಿ
ಝಮ್ಮನೇ ತೊಡಲು ನುಡಿ ಬಾಯಿಂದಾ 3
ತಪ್ಪ ಹೆಜ್ಜೆಯನಿಟ್ಟು ಘಲಘಲನೆ ನಡೆವುತ
ಧಪ್ಪನೆ ಬೀಳುತ್ತಾ ಬಿರಿವ ಬಾಯಿಂದಾ4
ಹಣೆಯ ಅರಳೆಲೆ ಮಾಗಾಯಿಗಳಲ್ಲಾ ಆಡಿಸುತಾ
ಕುಣಿದು ಬೆಣ್ಣೆಯ ಬೇಡುವ ಬಾಯಿಂದಾ5
ಕೋರಳಿಗೆ ಅಂಟಹಾಕಿ ಕೈಗಳಿಂದಾ ಬಿಗಿದಪ್ಪಿ
ಗುರು ಮಹಿಪತಿ ನಂದನ ಜೀವನ್ನಾ 6

ಯೋಗಿ ವೇಷ ನೀಚನಾಯಿ ನಿನಗ್ಯಾತಕೆ ತತ್ವ ಭಾಷಾ ಹುಚ್ಚನಾಯಿ ನಿನಗೇತಕೆ ವಸ್ತ್ರ ಕಾಷಾ ಮುರುಕುನಾಯಿ ನಿನಗೇತಕೆ ಗುರುಪಾದವಾಸ ಹೊಲಸ ಪ
ಕೊರಳಿಗೆ ಕಪನಿ ತೊಟ್ಟು ಜಪಸರವನೆ ಮುಂಗೈಯಲಿಟ್ಟು ತತ್ವಬರಿನುಡಿ ಸಾಲು ಸಾಲಿಟ್ಟು ಕಾಲಕೆರವನೆ ಇವನ ಬಾಯೊಳಗೆ ವಷಟ್ಟು ಭ್ರಷ್ಟಾ1
ನೀರೊಳಗೆ ನೆರಳನೆ ನೋಡಿ ಹಣೆಗೆಗೀರುವೆ ಗಂಧವ ತೀಡಿ ಪೋರಪೋರರ ಜೋಡನೆ ಕೂಡಿ ನಿನ್ನಮೋರೆಯ ಮೇಲೆ ಹುಯ್ಯಬೇಕು ಕಸ ಪುಡಿಕೆ ಕಡುಗ 2
ಅತ್ತ ಸಂಸಾರ ಕೆಟ್ಟುಮತ್ತಿತ್ತ ಗುರುಪಾದವ ಬಿಟ್ಟು ನೀನತ್ತತ್ತ ಉಭಯ ಭ್ರಷ್ಟಾ ನಿನಗೆಸತ್ತಿಹರು ಅರಮನೆಯ ಗೌಡೆಯರೆಷ್ಟು ಜಾಣ3
ಕಂಡ ಕಂಡಲ್ಲಿಯೇ ಉಂಡುದೊಡ್ಡ ಹೊಟ್ಟೆಯ ಬೆಳೆಸಿಕೊಂಡುಬಾಡದಂಡೆಯ ಮನೆಗಂಟಿಕೊಂಡು ನಿನ್ನಮಂಡೆಯ ಹೊಡಿಬೇಕು ಪಾಪಾರಿಕೊಂಡು ಹೊಲೆಯ 4
ಇಂದು ಕೆಟ್ಟಾ5

ರಾಜಿಯಿದ್ದೋರೆಲ್ಲ ಕೇಳ್‍ಬಹುದಣ್ಣ
ಪೂಜೆ ಮಾಡೋ ಇದ ಹೇಳತೀನಣ್ಣ ಪ
ಸಾಜದ ಹಾದಿಲಿ ಬಾಳ್ಯವ್ರಣ್ಣ ಅ.ಪ
ಹಾಸಿಗೇಲಿ ತಿಂಡಿ ತಿನಬಾರ್ದಣ್ಣ
ಮೋಸದ ಯೋಚನೆ ಯಿರಬಾರ್ದಣ್ಣ
ಕಾಸಿಗೆ ಸುಳ್ಳ ಯೋಳ್ಬಾರದಣ್ಣ 1
ನಾಮ ಇಬೂತಿಯ ಅಣೆಗಚ್ರಣ್ಣ
ರಾಮಾ ನಿನ್ಪಾದ್ವೇಗತಿಯೆನ್ನಣ್ಣ 2
ಮಣ್ಣಿನ ಭೂಮಿಯ ನಂಬದಿರಣ್ಣ
ಸಣ್ಣ ಕೃಷ್ಣನೇ ಗತಿಯೆನ್ನಣ್ಣ 3
ನೋಡುವ ಕಣ್ಗಳ ಮನದಲಿಡಣ್ಣ
ನೋಡದರಲಿ ಹೊಳೆ ಹೊಳೆವಾಬಣ್ಣ 4
ಅದರ ಮೇಲೆಳ್ಡು ಕಾಲ್ಗಳ ನೋಡಣ್ಣ
ಮದನ ಗೋಪಣ್ಣನು ಕಾಣುವನಣ್ಣ 5
ಮಡಿಯ ಪೀತಾಂಬ್ರದವುಡಗೆಯ ನೋಡಣ್ಣ
ಹಿಡಿದೆತ್ತಿದ ಕೈಕೊಳಲನು ನೋಡು 6
ಮುಡಿಯ ಕಿರೀಟದ ಹೊಳಪನು ನೋಡು
ನಡುಹಣೆಯ ನಿಡು ತಿಲಕವ ನೋಡು
ಕಡೆನೋಟದ ಕಣ್ಮಿಂಚನು ನೋಡು 7
ಅಂಬರದಂತೆ ಸರೀರವ ನೋಡು
ನಂಬಿಕೆಯಲಿ ಸರಣಾರ್ತಿಯ ಮಾಡು 8
ಬೋಗಾನಂದವ ಪಡಿತೀಯಣ್ಣ
ಕೂಗಿಗೆ ಬರುವನು ಮಾಂಗಿರಿಯಣ್ಣ 9

ರುದ್ರ (ಶಿವ) ಸ್ತುತಿ
ಲೋಕರಕ್ಷಕನೆಂಬೊ ಹರ ಗಂಗಾಧರಗೆ ಪ
ನೀಕಮಲಮುಖಿ ಅಖುವೈರಿ ಅ-
ನೇಕ ಮೈಯೊಳು ಸುತ್ತಿಕೊಂಡು ವಿ-
ವೇಕವಿಲ್ಲದೆ ವಿಷವನುಂಡ ಪಿ-
ನಾಕಧರನಿಗೆ ಸೋಲುವುದೆ ಅ.ಪ
ಶಿರದೊಳು ಶಶಿಯ ಕೆಂಜಡೆಯಿಪ್ಪಭೋಗಿ
ಸ್ಮರನದಹಿಸಿ ಭಸ್ಮ ಹಣೆಗಿಟ್ಟಯೋಗಿ
ಇರುವೊಡೆ ಸ್ಥಳವಿಲ್ಲ ದಂತೆ ತಾ ಪೋಗಿ
ಬೆರೆವ ಸ್ಮಶಾನ ಮಂದಿರ ಸುಖವಾಗಿ
ಬರಿದೆ ಒಲಿವುದೆ ಗರುವೆ ಪಾರ್ವತಿ1
ಜಾಹ್ನವಿ ಶಶಿಯನ್ನೆ ಮಾಡಿ
ರುಂಡಮಾಲೆಗಳ ಕೊರಲೊಳಗಿಟ್ಟು ಆಡಿ
ಕುಂಡಲಗಳ ಧರಿಸಿರುವನ ನೋಡಿ
ಖಂಡಪರಶುವೆಂದು ಅವನ ಕೊಂಡಾಡಿ
ದಿಂಡೆಯಾಹ ಪ್ರಾಯದವಳು ನೀ
ಕಂಡು ನೀನವ ಗಂಡನೆಂದು ಪ್ರಾ-
ಚಂಡಗೊಲಿದಿಹೆ ಸರಿಯೆ ಪಾರ್ವತಿ 2
ವಿರಚಿಸುವ ಲೀಲಾವಿನೋದನ
ವರದ ಶ್ರೀ ಗುರುರಾಮವಿಠಲನ
ಪರಮ ಪ್ರಿಯ ಪರಮೇಶ ಶಿವಗೆ 3

ಲಕ್ಷ್ಮೀ ನಾರಾಯಣ ವಿಠಲ | ಪೊರೆಯ ಬೇಕಿವಳಾ ಪ
ವಾಹನ ದೇವ | ಲಕ್ಷುಮಿಯ ರಮಣಾ ಅ.ಪ.
ಸೃಷ್ಟಿ ಸ್ಥಿತಿ ಸಂಹಾರ | ಅಷ್ಟಕ್ಕು ಕಾರಣನೆಕಷ್ಟಗಳ ಪರಿಹರಿಸಿ | ಕಾಪಾಡೊ ಹರಿಯೇ |ಶಿಷ್ಟ ಸದಾಚಾರ | ನಿಷ್ಠೆಯಲಿ ಗೈಯ್ಯುವಳುಶಿಷ್ಟೇಷ್ಟ ಹರಿಯೆ ಸದ | ಭೀಷ್ಟಗಳಗರೆಯೋ 1
ವಿೂಸಲೆಂದೆನಿಸಿರುವ | ದಾಸತ್ವದಾಕಾಂಕ್ಷೆಸಾಸಿರಕ್ಕೋರ್ವರಿಗೆ | ಲೇಸು ಪುಟ್ಟವುದೋಈ ಸಮಯದಲ್ಲೀಕೆ | ಆಶಿಸುತ್ತಿಹಳಯ್ಯಕೇಶವನೆ ಒಲಿದಿವಳ | ದಾಸ್ಯ ಸ್ವೀಕರಿಸೋ 2
ಶುದ್ಧ ತರತಮ ಜ್ಞಾನ | ಮಧ್ವೇಶನಲಿ ಭಕುತಿಇದ್ವದಕೆ ತೃಪ್ತಿಯಿಂ | ಬದ್ಧ ವೈರಾಗ್ಯಾಸಿದ್ಧಿಸುತ ಸಾಧನದಿ | ಬದ್ಧ ಕಂಕಣಳೆನಿಸೊಅದ್ವಿತೀಯನೆ ಹರಿಯೆ | ಮಧ್ವಾಂತರಾತ್ಮಾ 3
ಮುಪ್ಪುರದ ವೈರಿನುತ | ಸರ್ಪಶಯನನೆ ದೇವಾಸ್ವಪ್ನ ಸೂಚನೆಯಂತೆ | ಗೋಪ್ಯದಂಕಿತವಾಸುಪ್ತೀಶ ಇತ್ತಿಹೆನೊ | ಒಪ್ಪಿ ಕೈಪಿಡಿ ಇವಳಗುಪ್ತ ಮಹಿಮನೆ ದೇವ | ಆಪ್ರಕಟ ಹರಿಯೇ 4
ಶರ್ವಾದಿ ದಿವಿಜೇಡ್ಯ ಶಾರ್ವರೀಕರ ಪಾಲದುರ್ವಾದಿ ತಿಮಿರಕ್ಕೆ ಮಾರ್ತಾಂಡ ರೂಪೀದರ್ವಿ ಜೀವಿಯ ಕಾವ | ನಿರ್ವಹಣೆ ನಿನ್ನದೋಗುರ್ವಂತರಾತ್ಮ ಗುರು | ಗೋವಿಂದ ವಿಠಲಾ 5

ಲೋಕೇಶನೆನಿಪ ಶ್ರೀಗುರು ಸಿದ್ಧೇಶ್ವರಗೆ ಪ
ನೀ ಕಮಲಮುಖಿ ಆಋವೈರಿಯ
ನೇಕ ಮೈಯ್ಯಾಳು ಸುತ್ತಿಕೊಂಡು ವಿ
ವೇಕವಿಲ್ಲದೆ ವಿಷವನುಂಡ ಪಿನಾಕಧರÀನಿಗೆ ಸೋಲುವರೆ ನೀ
ಜಗವ ಮೋಹಿಪ ಮಾನಿನೀ ಮಣಿಯೇ ಅ.ಪ.
ಶಿರದೊಳು ಶಶಿಯ ಕೆಂಜೆಡೆ ಇಹ ಜೋಗಿ
ಸ್ಮರನ ದಹಿಸಿ ಭಸ್ಮ ಹಣೆಗಿಟ್ಟ ಯೋಗಿ
ಇರುವರೆ ಸ್ಥಳವಿಲ್ಲದಂತೆ ತಾ ಪೋಗಿ
ಮೆರೆವ ಸ್ಮಶಾನ ಮಂದಿರಕನುವಾಗಿ
ಮರುಲು ಭೂತ ಪಿಶಾಚ ಯಕ್ಷರ
ನೆರವಿಯಲಿ ಕುಣಿಕುಣಿದು ಬ್ರಹ್ಮನ
ಶಿರವಿಡಿದು ತಿರಿದುಂಬ ಗೊರವಗೆ
ಬರಿದೆ ತಿಳಿಯದೆ ಜಗವ ಮೋಹಿಪ ಮಾನಿನೀ ಮಣಿಯೇ 1
ಮಂಡೆಯೋಳ್ ಜಾನ್ಹವಿ ಶಶಿಯನ್ನೆ ಸೂಡಿ
ರುಂಡಮಾಲೆಯ ಕೊರಳೊಳಗಿಟ್ಟಪಚಾಡಿ
ಕುಂಡಲಿಗಳಾ ಧರಿಸಿರುವನ ನೋಡಿ
ಖಂಡ ಪರಶುವೆಂದು ಅವನ ಕೊಂಡಾಡಿ
ಧಿಂಡೆಯಾಗಿಹ ಪ್ರಾಯದವಳು ನೀ
ನೀನವನನೊಲಿದೆ ಪ್ರ
ಚಂಡೆ ಪಾರ್ವತಿ ಜಗವ ಮೋಹಿಪ ಮಾನಿನೀ ಮಣಿಯೇ 2
ಕರದಿ ತ್ರಿಶೂಲ ಧಮರುಗಳ ಧರಿಸಿರುವಾ
ಕಂಚರ್ಮಾಂಬಕ ಪುಲಿದೊಗಲುಟ್ಟು ಮೆರೆವಾ
ಹಿರಿಯತನಕೆ ವೃಷಭವನೇರಿ ಬರುವಾ
ಶಿರಿಯ ಹೊಗಾಡಿ ಫಕೀರನಂತಿರುವಾ
ವಿರಚಿಸಿದ ಲೀಲಾವಿನೋದದ
ಪರತರ ಶ್ರೀ ಪ್ರಣವರೂಪನ
ಗುರುವಿಮಲಾನಂದ ತೊಟ್ಟಿದ ಗುರು ಸಿದ್ಧೇ
ಶ್ವರನೆಂದು ತಿಳಿಯದೆ ಜಗವ ಮೋಹಿಪ ಮಾನಿನೀಮಣಿಯೇ 3

ಶ್ರೀರಂಗ
ರಂಗನಾಥ ಎನ್ನ ಕಣ್ಗಾಳೆದುರು ನಿಂತಿದಂತಿದೆ ಪ
ವಜ್ರಮಾಣಿಕದ ಕಿರೀಟವನಿಟ್ಟು
ಪ್ರಜ್ಜಲಿಸುವ ಹಣೆಯ ಕಸ್ತೂರಿಬಟ್ಟು
ವಜ್ರದ ಕರ್ಣಕುಂಡಲ ಅಳವಟ್ಟು
ಸಾಜದ ಅಧರಚಂದವಿನ್ನೆಷ್ಟು 1
ಕಬ್ಬುಬಿಲ್ಲನು ಪೋಲ್ವ ಪುಬ್ಬಿನ ಚಂದ
ಅಬ್ಜದಂತೆಸೆವಾ ನಯನದಾನಂದ
ಕುಸುಮವ ಪೋಲುವ ನಾಸಿಕದಂದ
ಕದಪು ಹೊಳೆಯುತ್ತ ಬಂದ 2
ಕಂಠದೊಳಗೆ ಇಟ್ಟ ಕೌಸ್ತುಭಮಣಿಯು
ಎಂಟು ಪದಕಗಳನಳವಡಿಸಿದ ಅಣಿಯು
ಗಂಟೆ ಗೆಜ್ಜೆವುಡಿದಾರದ ಫಣಿಯು
ಸಂಧ್ಯರಾಗವ ಪೋಲ್ವ ಪೀತಾಂಬರದಣಿಯು 3
ಶಂಖಚಕ್ರವು ಗದೆ ಆಭಯಹಸ್ತಗಳು
ಪಂಕಜಮುಖಿ ಇರುವ ವಕ್ಷಸ್ಥಳವು
ಶಂಕರನಪಿತನ ಪಡೆದ ನಾಭಿದಳವು
ಶಂಕೆ ಇಲ್ಲದ ಕಣಕಾಲಿನ ಹೊಳವು 4
ಅಂದುಗೆ ಗೆಜ್ಜೆಗಳ ಚಂದದಿಂದಿಟ್ಟು
ಕುಂದಣದ ಪಾಡಗವನಳವಟ್ಟು
ಚಂದದಿಂ ವಜ್ರದಾವುಗೆಯ ಮೆಟ್ಟು ತ
[ಬಂದ] ಗಂಗೆ ಪಡೆದನಖಾಪಂಕ್ತಿಗಳೆಷ್ಟು5
ವಜ್ರಾಂಕುಶ ಧ್ವಜರೇಖೆಗಳಿಂದ
ಪದ್ಮಪಾದದ ಕೆಂಪುಗಳು ಬಹುಚಂದ
ಹೊದ್ದಿದ ಭಕ್ತರ ಪಾಪವನೆಲ್ಲ ಒದ್ದು
ಮುಕ್ತಿಯನೀವ ಮುದ್ದು ಶ್ರೀ ವೆಂಕಟಕೃಷ್ಣ 6

ಶ್ರೀಶ ಶ್ರೀ ಕೇಶವನೆ ಬಾ ಪರುಮ ಪುರುಷ
ಶೇಷರಾಯನ ಮುಕುಂದ ಶರಣರಾನಂದ ಪ
ಭೂಸುರರು ನಡೆಮುಡಿದು ಪೂರ್ಣಕುಂಭವು ವೇದ
ಓಲಗ ಛತ್ರ ಚಾಮರ ದಿಮಿಗೆ ಅ.ಪ
ಸುತ್ತಿಬರುತಿಹ ದನುಜ ವೃಂದವೆಲ್ಲವ ತರಿದು
ಮುತ್ತಿನಂಥಾ ತನುವು ಧೂಳಾಗಿರುವುದೋ
ಒತ್ತುತೆಣ್ಣೆಯ ನಿನಗೆ ಮತ್ತೆಬಿಸಿನೀರೆರೆದು
ಕತ್ತುರಿಯ ಹಣೆಗಿಟ್ಟು ನುಡಿಯನುಡಿಸುವೆನೋ 1
ಸರಸಿ ಪೀತಾಂಬರ ಶಿರಕೆ ಮಣಿಯಳವಡಿಸಿ
ಕೊರಳಿನೊಳುಹಾಕಿ ತುಳಸೀಮಾಲೆಯ
ಕರಕೆ ಕಂಕಣ ಶಂಖ ಚಕ್ರಗಧೆಯಾ ಕಮಲ
ದೊರೆನಡುವಿಗೊಡ್ಯಾಣ ಸಿರಿಪದಕೆ ಕಡಗ 2
ಅಂಗಕ್ಕೆ ಶ್ರೀಗಂಧ ಅಗರುಚಂದನ ಧೂಪ
ಮಂಗಳದ ದೀಪವೂ ಮಂತ್ರಪುಷ್ಪ
ಶೃಂಗಾರ ಮೂರ್ತಿಗೆ ಕನ್ನಡಿಯು ಬೀಸಣಿಗೆ
ಸಂಗೀತ ನರ್ತನವು ಸ್ತುತಿಸೇವೆಯೂ 3
ವಸುಮತೀಪಾಲನೆಯ ಸತತ ನೀಗೈಯುತ್ತ
ಹಸಿದು ಬಳಲುತ್ತಿರುವೆ ಕೃಷ್ಣಪರಮಾತ್ಮ
ಬಿಸಿಯಹೋಳಿಗೆ ತುಪ್ಪ ಹಸುನಿನಾ ಬಿಸಿಹಾಲು
ಮೊಸರು ಶಾಲ್ಯನ್ನ ಫಲಪಾನಕದ ಸುಖಹೀರಿ 4
ಶ್ರೀದೇವಿ ಭೂನೀಳ ಇವರೊಡನೆ ತೃಪ್ತಿಯಂ
ಶ್ರೀಧರ ಮೂರುತಿ ಹೃದಯ ಕಮಲದಲಿ ಕೂಡೋ
ಸಾದರದಿ ಕರ್ಪೂರ ತಾಂಬೂಲವನು ಸದಿಯೋ
ಮೋದದಿಂದಾರತಿಯ ಬೆಳಗುವೆನೋ ರಂಗಾ 5
ಜಯತು ಜಗದಾಧಾರ ಪುಷ್ಪಾಂಜಲಿಯೊಧೀರ
ಜಯ ಸಾಧು ಹೃದ್ಭಾಸ ಹೆಜ್ಜಾ ಜಿವಾಸ
ಜಯತು ಮಂಗಳ ನಾಮ ಶ್ಯಾಮಂಗೆ ಪ್ರಣಾಮ
ಜಯತು ಕರುಣಾಸಿಂಧು ಜಯಭಕ್ತ ಬಂಧು 6

ಸಾಲದೆ ನಿನ್ನದೊಂದು ದಿವ್ಯನಾಮ - ಅ-ಕಾಲ ಮೃತ್ಯುವಿನ ಗಂಟಲಗಾಣ ಹರಿಯೆ ಪ
ರಣದೊಳಗೆ ಅಂಗಾಂಗ ಖಂಡತುಂಡಾಗಿ ಪ್ರತಿರಣವನುತ್ತರಿಸಿ ಮರಣವ ತಾಳಿರೆಪ್ರಣವ ಗೋಚರ ನೀನು ಗೋಚರಿಸಿ ಬಂದೆನ್ನಹೆಣಕೆ ಪ್ರಾಣವ ಪ್ರಯೋಗಿಸಿದಂತರಾತ್ಮ1
ಕುಂತದಿಂ ತೂಂತುಗೊಂಡೆನ್ನ ಬೆನ್ನಿಂದಿಳಿವಸಂತತ ನೆತ್ತರನೊರಸಿ ಬಿಸುಟೆತಿಂತ್ರಿಣಿಯ ಮರದಡಿಯೆ ಹಾವು ಕಡಿದೊರಗಿರಲುಮಂತ್ರಿಸಿ ಮನೆಗೆ ಕಳುಹಿದೆ ಗರುಡಗಮನ 2
ಗರಳ ತೈಲವ ಸೇವಿಸೆವೇಣುನಾದದಲಿ ಹಣೆಯನೇವರಿಸಿ ಪಂಚಪ್ರಾಣ ಪ್ರತಿಷ್ಠೆಯ ಮಾಡಿದೆ ಮಹಾತ್ಮ 3
ತಮ್ಮ ಹವಣನರಿಯದೆ ಕೊಬ್ಬಿದ ಪಿಶಾಚಿಗಳುಎಮ್ಮ ಮನೆಗೊಂದೆ ಸಮ ಕಲ್ಲಲಿಟ್ಟುಹೆಮ್ಮಕ್ಕಳ ಬಾಧಿಸುವುದನು ಕಂಡುಬೊಮ್ಮಜಟ್ಟಿಗರ ಶಿರವರಿದೆ ನರಹರಿಯೆ 4
ಓದಿ ಹೇಳಿದರೊಂದು ಕಥೆಯಾಗುತಿದೆ ಮಹಾಂಬೋಧಿಶಯನನೆ ವೇದಶಾಸ್ತ್ರ ಮುಖದಿಬಾಧಿಸುವ ದುರಿತಾಗ್ನಿಗಂಬು ಶ್ರೀ ಕಾಗಿನೆಲೆಯಾದಿಕೇಶವನ ನಾಮ ಸಂಕೀರ್ತನ 5

ಹರಿಹರರಿಬ್ಬರು ಒಲಿದು ಮಾತಾಡಲು
ಕೊಳವ ಕಂಡಲ್ಲಿ ಎಲೆತೋಟ
ಕೊಳವ ಕಂಡಲ್ಲಿ ಎಲೆತೋಟದೊಳಗಾಡುವ
ಹೆಣ್ಣಿನ ಕಂಡು ಹರ ಮರುಳಾದ ಪ.
ತೆಂಗಿನ ತಿಳಿಗೊಳ ನಿಂಬೆ ಕಿತ್ತಲೆ ಬಾಳೆ
ಹೊಂಬಾಳೆ ಅಡಿಕೆ ಬನಗಳು
ಹೊಂಬಾಳೆ ಅಡಿಕೆ ಬನದೊಳಗಾಡುವ
ರಂಭೆಯ ಕಂಡು ಹರ ಮರುಳಾದ 1
ಅರಿಸಿನ ತಿಳಿಗೊಳ ಹಲಸು ಕಿತ್ತಲೆ ಬಾಳೆ
ಬೆರಸಿ ಮಲ್ಲಿಗೆಯ ಬನದೊಳು
ಬೆರಸಿ ಮಲ್ಲಿಗೆಯ ಬನದೊಳಗಾಡುವ
ಸರಸಿಜಾಕ್ಷಿಯ ಕಂಡು ಹರ ಮರುಳಾದ 2
ಮೊಲ್ಲೆ ಮಲ್ಲಿಗೆ ಜಾಜಿ ಅಲ್ಲೆ ಪಾರಿಜಾತ
ನಿಲ್ಲದೆ ನುಡಿವೊ ಗಿಳಿಗಳು
ನಿಲ್ಲದೆ ನುಡಿವೊ ಗಿಳಿಗಳು ನುಡಿಗಳ
ಚೆಲುವೆಯ ಕಂಡು ಹರ ಮರುಳಾದ 3
ಸೋಗೆ ನವಿಲುಗಳು ಗಿಳಿಹಿಂಡು ತುರುಗಳು
[ಕೋಗಿಲೆ ನಲಿಯೊ ಪಂಸೆಗಳು]
[ಕೋಗಿಲೆ ನಲಿಯೊ ಪಂಸೆಯೊಳಾಡುವ] ಸೊ-
ಬಗಿಯ ಕಂಡು ಹರ ಮರುಳಾದ 4
ಚೆಲುವ ಚರಣಗಳು ಜಂಘೆ ಜಾನೂರು ಕಟಿ
ವಳಿಪಂಙÂ್ತ ಜಠರ ವಕ್ಷಸ್ಥಳವು
ವಳಿಪಂಙÂ್ತ ಜಠರ ವಕ್ಷಸ್ಥಳಗಳ ಹೆಣ್ಣಿನ
ಸ್ತನವ ವರ್ಣಿಸಲಾರಿಗಳವಲ್ಲ 5
ಕಾಲುಂಗುರ ಅಕ್ಕಿ ಪಿಲ್ಯ ಜೋಡುಮೆಂಟಿಕೆಗಳು
ವೀರಮುದ್ರಿಕೆಯು ಕಿರುಪಿಲ್ಯ
ವೀರಮುದ್ರಿಕೆಯು ಕಿರುಪಿಲ್ಯ ನಿಟ್ಟಿದ್ದ
ಬಾಲೆಯ ಕಂಡು ಹರ ಮರುಳಾದ 6
ನಡು ಬಳುಕಿ ಮುಡಿ ಸಡಲಿ ಉಡಿಗಂಟೆ ಹೊಳೆಯುತ
ಕೊರಳ ಪದಕ ಹಾರ ಒಲೆಯುತ
ಕೊರಳ ಪದಕ ಹಾರ ಒಲೆಯುತ ಹೆಣ್ಣಿನ
ಇರವ ವರ್ಣಿಸಲಾರಿಗಳವಲ್ಲ 7
ಹಸಿರು ಕುಪ್ಪಸಗಳು ಮುಂಗೈನಗಗಳು
ನಳಿತೋಳುಬಂದಿ ಬಳೆಗಳು
ನಳಿತೋಳುಬಂದಿ ಬಳೆಗಳು ಹೆಣ್ಣಿನ
ಥಳುಕು ವರ್ಣಿಸಲಾರಿಗಳವಲ್ಲ8
ಹಾರ ಹೀರಾವಳಿ ಕೇಯೂರ ಕಂಕಣ
ತೋಳ ಭಾಪುರಿ ಭುಜಕೀರ್ತಿ
ತೋಳ ಭಾಪುರಿ ಭುಜಕೀರ್ತಿನಿಟ್ಟಿಹ
ಇಂದುಮುಖಿಯ ಕಂಡು ಹರ ಮರುಳಾದ 9
ಅರಳೋಲೆ ಮೂಗುತಿ ಹಣೆಯ ಹಚ್ಚೆಯ ಬೊಟ್ಟು
ಕದಪು ಕನ್ನಡಿಯು ಕುಡಿಹುಬ್ಬು
ಕದಪು ಕನ್ನಡಿಯು ಕುಡಿಹುಬ್ಬು ಹೆಣ್ಣಿನ
ಬೆಳಕÀ ವರ್ಣಿಸೆ ಹರಗಳವಲ್ಲ 10
ನೊಸಲು ಕಸ್ತೂರಿಗಳು ಎಸೆವ ಬೈತಲೆಗಳು
ಕುರುಳು ಕೂದಲುಗಳು ಕುಂತಲಗಳು
ಕುರುಳು ಕೂದಲುಗಳು ಕುಂತಲಗಳು ಹೆಣ್ಣಿನ
ಜಡೆಯ ವರ್ಣಿಸಲಾರಿಗಳವಲ್ಲ 11
ಕುಂಭಕುಚದ ಮೇಲೆ ಗಂಧವ ಪೂಸಿದಳೆ
ಅಂದಕೆ ಹಿಡಿದಳೆ ಕಮಲವ
ಅಂದಕೆ ಹಿಡಿದಳೆ ಕಮಲವ ಕಡೆಗಣ್ಣ
ಚಂದ ಬಂದ್ಹರನ ಕಂಗೆಡಿಸಿತು 12
ತÉೂೀರ ಕುಚದ ಮೇಲೆ ಸಾದು ಗಂಧವ ಪೂಸಿ
ಆಯಕೆ ಹಿಡಿದಳೆ ಕಮಲವ
ಆಯಕೆ ಹಿಡಿದಳೆ ಕಮಲವ ಕಡೆಗಣ್ಣ
ಢಾಳ ಬಂದ್ಹರನ ಕಂಗೆಡಿಸಿತು 13
ಕಕ್ಕಸ ಕುಚದಮೇಲೆ ಅಷ್ಟಹಾರಗಳು ಹೊಳೆಯೆ
ಹಸ್ತಕಟ್ಟುಗಳು ಹೊಳೆಯುತ
ಹಸ್ತಕಟ್ಟುಗಳು ಹೊಳೆವುತ್ತ ಹೆಣ್ಣಿನ
ದೃಷ್ಟಿ ಬಂದ್ಹರನ ಕಂಗೆಡಿಸಿತು 14
ಅಮ್ಮಾಲೆ ಆಡೋಳು ಒಮ್ಮೊಮ್ಮೆ ನೋಡೋಳು
ತÀನ್ನೊಳಗೆ ತಾನು ನಗುವೋಳು
ತÀನ್ನೊಳಗೆ ತಾನು ನಗುವೋಳು ಬೊಮ್ಮನ
ಮಗನ ಮರುಳು ಮಾಡಿ ನಡೆದಳು 15
ನೋಡಳು ನುಡಿಯಳು ಹರನ ಕೂಡೆ ಮಾತಾಡಳು
ಓಡುತ್ತ ಚೆಂಡ ಹೊಯ್ವಳು
ಓಡುತ್ತ ಚೆಂಡ ಹೊಯ್ವವೇಗವ ಕಂಡು
ಮೂರುಕಣ್ಣವನು ಮರುಳಾದ 16
ಕೆದರಿದ ಕೆಂಜೆಡೆ ಕೊರಳ ರುದ್ರಾಕ್ಷಿ
ಕರದಿ ತ್ರಿಶೂಲ ಹೊಳೆಯುತ
ಕರದಿ ತ್ರಿಶೂಲ ಹೊಳೆಯುತ ಹೆಣ್ಣಿನ
ನುಡಿಸುತ್ತ ಹಿಂದೆ ನಡೆದನು 17
ರೂಢಿಗೊಡೆಯನ ಕೂಡೆ ಆಡುವ ವನಿತೆ
ನೋಡೆ ನೀ ಎನ್ನ ಕಡೆಗಣ್ಣ
ನೋಡೆ ನೀ ಎನ್ನ ಕಡೆಗಣ್ಣ ಹೆಣ್ಣಿನ
ಕಾಡುತ ಹಿಂದೆ ನಡೆದನು 18
ಪೀತಾಂಬರದ ಮುಂಜೆರಗನು ಕಾಣುತ್ತ
ಸೋತೆ ಬಾರೆಂದು ಕರೆದನು
ಸೋತೆ ಬಾರೆಂದು ಕರೆದ ಧ್ವನಿಯ ಕೇಳಿ
ಕಾಂತೆ ಬನದೊಳು ಮರೆಯಾದಳು 19
ಮಂಗಳ ಮಹಿಮಗೆ ಅಂಜಿಕೆ ಇಲ್ಲದೆ
ಗಂಗೆ ಪೊತ್ತವನ ತಿರುಗಿಸಿದ
ಗಂಗೆಪೊತ್ತವನ ತಿರುಗಿಸಿದ ತನ್ನಯ
ಮುಂದಣ ಅಂದವೆಲ್ಲ ಇಳುಹಿದ 20
ಸೃಷ್ಟಿಯನೆಲ್ಲ ಹೊಟ್ಟೆಯೊಳಿಂಬಿಟ್ಟು
ವಟಪತ್ರ ಶಯನನಾಗಿ ಮಲಗಿದ
ವಟಪತ್ರ ಶಯನನಾಗಿ ಮಲಗಿದ ಉಡುಪಿನ
ಕೃಷ್ಣನೆಂದ್ಹರನು ತಿಳಿದನು 21
ಭೂಮಿಯನೆಲ್ಲ ಈರಡಿ ಮಾಡಿದ
ಆಲದೆಲೆ ಮೇಲೆ ಮಲಗಿದ
ಆಲದೆಲೆ ಮೇಲೆ ಮಲಗಿದ ಶ್ರೀಹಯ-
ವದನನೆಂದು ಹರ ತಿಳಿದನು 22