ಇನ್ನಾರೆ ನೆರೆ ತಿಳಿ ನಿಜ ಹಿತವನು ಪ
ಇನ್ನಾರೆ ನೆರೆ ತಿಳಿ ನಿಜ ಹಿತವನು |
ನಿನ್ನೊಳು ನೀನು ಮರಳು ಮನವೇ |
ತನ್ನ ಹಿತವ ತಾ ನರಿಯದೆ ಮರೆದು |
ದಣ್ಣನೆ ದಣಿವುದು ಸುಖದನುವೇ 1
ಸಂತರಿಗೆರಗಿ ಶರಣವ ಮಾಡಿ |
ಸದ್ಭೋಧ ಕೇಳಲು ಬೇಸರಿಕೆ |
ಪಂಥದಿ ಲೆತ್ತ ಪಗಡಿ ಜೂಜೂ ಮಂಡಿಸಿ |
ಎಂದಿಗೆ ದಣಿಯೇ ನೀ ವಂದಿನಕೆ 2
ಒಂದರೆ ಘಳಿಗೆಯ ಹರಿಕಥೆ ಮಾಡುವ |
ಸ್ಥಳದಲಿ ಕೂಡಲು ತೂಕಡಿಕೆ |
ಛಂದದಿ ಹಾಸ್ಯ ಕುವಿದ್ಯಗಳಾಟವ |
ನೋಡುದರಲಿ ಮಹಾ ಎಚ್ಚರಿಕೆ 3
ಪಥ |
ಅನುಸರಣಿಯೊಳಗೆ ನಿರ್ಭಯವು |
ಧನ ಧರ್ಮದಂಧರ ಮನಸವ ಹಿಡಿಯಲು |
ಕಾಶಿನ ಆಶೆಗೆ ಬೆಜ್ಜರವು 4
ತೃಷೆಯದ ಕಾಲಕೆ ಬಾವಿ ತೋಡುವೆನೆಂಬಾ |
ವನ ಪರಿಯಲಿ ಮತಿವಿಡಿಯದಿರು |
ವಸುಧಿಲಿ ಮಹಿಪತಿ ನಂದನ ಪ್ರಭುವಿನ |
ಶರಣ ಹುಗಲು ದಿನ ಗಳೆಯದಿರು 5