ಏನಂತೆನ್ನಲಿ ಎನ್ನನುತಾಪ
ನೀನಾದ್ದರಿಂದೆಂಬೆ ಗೈಯದೆ ಲೋಪ ಪ.
ಕಣ್ಣೆದುರಾದ ಕಂದರ್ಪಲಾವಣ್ಯ
ಸನ್ನುತ ಸಕಲ ಲೋಕೈಕಶರಣ್ಯ
ಪುಣ್ಯಪುರುಷ ಸುಪ್ರಸನ್ನ ಕೇಳಮ್ಮ 1
ಕೆಂದಾವರೆಯಂತೆ ಚೆಂದುಳ್ಳ ಚರಣ
ಸೌಂದರ್ಯಸಾರ ಪೀತಾಂಬರಾವರಣ
ವಂದನೀಯ ಪೂರ್ಣಾನಂದ ಮುಕುಂದ
ಸಂದೇಹವಿಲ್ಲ ತೋರಿದನು ಗೋವಿಂದ 2
ಶಂಕ ಚಕ್ರ ಗದಾ ಪಂಕಜಪಾಣಿ
ಶಂಕರನುತ ಶ್ರೀವತ್ಸಾಂಕಿತ ಜನನಿ
ಬಿಂಕದ ಕೌಸ್ತುಭಾಲಂಕೃತಗ್ರೀವ
ವೆಂಕಟೇಶ ನಿಷ್ಕಳಂಕ ಕೇಳವ್ವ 3
ಚಂದ್ರಶತಾನನ ಕುಂದಸುಹಾಸ
ಇಂದಿರಾ ಹೃದಯಾನಂದ ಪರೇಶ
ಸುಂದರ ನಳಿನದಳಾಯತನಯನ
ಮಂದರಧಾರ ಧರಾಧರಶಯನ 4
ಲಕ್ಷ್ಮೀನಾರಾಯಣ ಸುಕ್ಷೇಮಧಾಮ
ಅಕ್ಷರಾರ್ಚಿತ ನೀಲನೀರದಶ್ಯಾಮ
ಪಕ್ಷೀಂದ್ರವಾಹನ ಪಾವನಚರಿತ
ಸಾಕ್ಷಿರೂಪ ಸಚ್ಚಿದಾನಂದಭರಿತ 5