ಶರಣು ಗಜಾನನನೆ ಶರಣು ಲಂಬೋದರನೆ
ಶರಣು ಪಾರ್ವತಿ ಪುತ್ರ ಶುಭಗಾತ್ರ ಪ
ಆದಿಯಲಿ ನಿನ್ನ ಪಾದಭಜನೆಯ ಮಾಡೆ
ಸಾದರದಿ ಸಲಹುವೆ ಮೋದವಿತ್ತು
ಮೇದಿನಿಯಲಿ ನಿನ್ನಾರಾಧನೆಯ ಮಾಡದವ ನ-
ರಾಧಮನೆನಿಸುವನಿದು ಪುಸಿಯಲ್ಲ 1
ಆಖುವಾಹನನೆ ನೀ ಕಳೆ ವಿಘ್ನಗಳ
ಸಾಕು ಲಾಲಿಸೆನ್ನ ಏಕದಂತ
ಮಣಿ ಭೂಷಣ
ಕಾಕುಜನ ಕುಠಾರ ಲೋಕೈಕ ವೀರ 2
ಸಿತಿಕಂಠ ವರಪುತ್ರ ಪ್ರತಿ ವಾಸರವು ನಾ
ನುತಿಸಿ ಬೇಡುವೆ ನಿನ್ನ ಸತಿರಹಿತನೇ
ಸಿರಿ ರಂಗೇಶವಿಠಲನ
ಅತಿಪ್ರೀತಿಯಿಂದ ಭಜಿಪ ಮತಿಯ ನೀಡೋ 3

ಶ್ರೀ ಗಜಾನನ ದೇವ ಸುರಾರ್ಚಿತಾ |ನಾಗಭೂಷಣ ಸಿಂಧೂರ ಚರ್ಚಿತಾ ||
ಪಡೆವನು ಜ್ಞಾನವಾ 1
ಸಿರಿಸರಸ್ವತಿ ಕಾಮಿನಿ ನಾಯಕೆ ||
ಲೋಕ ವಿರಾಜಿತೆ 2
ಸಲೆ ರಾಮರೂಪವ ತೋರಿದ ವಿಹಿತ |
ಕಮಲ ಬಲಗೊಂಡು ಸನ್ಮತಿ ನೀಡಲು ವಿಮಲಾ 3
ಅನುದಿನ ಸೇವಿಸುತಿಹಳು ಪದ್ಮಾ ||
ನೆನುವದಕ ತಾರದಿರಂತರಾಯ 4
ರಾಜ ತೇಜದ ಭಕ್ತರ ತಾರಿಸಿ ||
ತ್ಯಾಜದೀವುದು ಜ್ಞಾನದ ಸಂಪತಿ 5

ಶ್ರೀ ಗಣೇಶ
ಕ್ಷಿಪ್ರ ಪ್ರಸಾದನೆ ಪ್ರಣಮಿಸುವೆ ಕರುಣಾಳು
ವಿಪ್ರ ಪ್ರಬುಧ್ಧರಿಗೆ ಪ್ರಿಯತರ ಗಣೇಶ
ಅಪ್ರತಿಸುಪೂರ್ಣ ಸಚ್ಛಕ್ತಿಸ್ವರೂಪನು
ಸುಪ್ರಕಟ ನಿನ್ನೊಳು ಪ್ರಭಂಜನಸಮೇತ ಪ
ಬಾಲಾರ್ಕನಿಭ ವಸ್ತ್ರ ತನುಮಾಲ್ಯ ಲೇಪನದಿ
ಹೊಳೆಯುವ ಮಹೋದರ ಗಜಾನನ ಸುಫಲದ
ಥಳಥಳಿಪ ಪಾಶ ದಂತಾಂಕುಶಾಭಯಹಸ್ತ
ಒಲಿದು ವಿಘ್ನವ ಕಳೆದು ಕಾಮಿತಾರ್ಥವನೀವೆ 1
ನಿಖಿಳ ಲೋಕಂಗಳ
ಮುಕ್ತಾಮುಕ್ತರ ಸರ್ವಧಾರಕಾಕಾಶ
ಏಕಾತ್ಮ ವಿಶ್ವನು ಪ್ರಕಾಶಿಪನು ನಿನ್ನೊಳು
ಶಂಕರಾತ್ಮಜ ಭೂತಾಕಾಶಾಭಿಮಾನಿ 2
ತ್ರಾತ ಪದ್ಮಜಪಿತ ಪ್ರಸನ್ನ ಶ್ರೀನಿವಾಸನ
ಅತಿ ವಿಮಲ ನಾಭಿಧೇಶದಲಿರುವೆ ಮುದದಿ
ಅನುಜ ವಿತ್ತಪಗೆ ಸಮ ಶೇಷ
ಶತಸ್ಥರಿಗೆ ಉತ್ತಮನೆ ಗುರುವರ ನಮಸ್ತೆ 3

(ಪಡುಬಿದ್ರೆಯ ಗಣೇಶ)ಮಾಡೆನ್ನೊಳು ಕರುಣ ಗಜಾನನ ಪ.ಮೂರ್ಖನೆನ್ನುತಲೆನ್ನ ಧಿಕ್ಕರಿಸದಿರುಶಕ್ರವಿನುತಚರಣಗಜಾನನ1ಹರಿನಾಭೀ ಕಮಲಾಕಾಶಾತ್ಮನೆಗಿರಿಜಾಂಕಾಭರಣ ಗಜಾನನ 2ಭಾರತಾರ್ಥ ತತ್ವಾರ್ಥ ಪ್ರಬೋಧನೆಸೂರಿಜನೋದ್ಧರಣ ಗಜಾನನ 3ಕಡಲಶಯನ ಲಕ್ಷ್ಮೀನಾರಾಯಣಸಖಪಡುಬಿದ್ರೆನಿಕೇತನ ಗಜಾನನ 4

ಬಾಲಗಜಾನನ ಬಾ ಗುಣಸದನಪಾಲಿತ ತ್ರಿಭುವನ ಬಾಲ ಜಗಜ್ಜೀವನ ಪ.ರಾಧಾದೇವಿಯಾರಾಧಿಸಿದಳು ನಿನ್ನಆದಿಯೊಳ್ ಕೈಕೊಂಬೆ ಮೋದದಿಂದ ಪೂಜನ 1ವಿಘ್ನವಿಭಂಜನ ವಿಧಿಸುರ ರಂಜನಅಗ್ನಿ ಗರ್ಭನಗ್ರಜ ಅಖುವಾಹನ ಮೋಹನ 2ಪ್ರಿಯ ಶ್ರೀ ಲಕ್ಷುಮಿನಾರಾಯಣಶರಣಕಾಯೊ ಕಾಮಿತಫಲದಾಯಕ ಸುಮನ 3

ವಂದೇ ಶ್ರೀ ಗೌರಿನಂದನ ಸುರನರವೃಂದವಂದಿತಚರಣ ಗಜಾನನ ಪ.ಶಂಕರೋಲ್ಲಾಸ ಪಾಶಾಂಕುಶಧರಕರಪಂಕಜಸುವಿರಾಜ ರವಿತೇಜ1ಜಂಭಾರಿಸಂನುತ ಜಾಹ್ನವೀಧರಸುತಲಂಬೋದರ ಸುಂದರ ಕೃಪಾಕರ 2ಸುಕ್ಷೇಮಧಾಮ ಶ್ರೀ ಲಕ್ಷ್ಮೀನಾರಾಯಣನಪಕ್ಷೈಕಪಾವನ ಸುಧೀಷಣ 3