ಪಾದ ಕಂಡೆ ಕಂಡೆನು ಕೇಶವಾ ಪ
ಪದ್ಮದಳಾಕೃತಿಯಲ್ಲಿರುತಿರುವಂಥ
ನಿತ್ಯ ನಿಲಿದಾಡುವಂಥ
ಪದ್ಮಾಕ್ಷಿ ಶ್ರೀದೇವಿ ಸೇವಿಸುತಿರುವಂಥ
ಮೋದದಿ ಹೃದಯದಿ ನೆಲೆಸಿರುವಂಥ 1
ದುಷ್ಟರ ತಲೆಯನ್ನು ಪಿಡಿದೊತ್ತಿ ತರಿದಂಥ
ಭ್ರಷ್ಟರ ಯೆದೆ ಮೇಲಿಟ್ಟುರುವಂಥ
ನಿತ್ಯ ಪೂಜಿಸುತಿರುವಂಥ
ಶಿಷ್ಟರ ಕಷ್ಟವ ಸಿಗಿದೊಗೆವಂಥ 2
ಅಂಧಕಾರವ ಬೇಗ ಹರಿದು ಪಾಲಿಸುವಂಥ
ಸೂನು ಇಚ್ಛಿಸಿದಂಥ
ಚಂದದಿ ಬಲಿಯ ಪಾತಾಳಕ್ಕೆ ತುಳಿದಂಥ
ಅಂದದಿ ನರನ ಸಾರಥಿಗೊಪ್ಪುವಂಥ 3
ಸುರರು ಕಿಂನರರು ಕಿಂಪುರುಷರೇ ಮೊದಲಾದ
ಸುರಗಣ ಸೇವಿಪ ಭಜಿಪ ಪಾದವನು
ಸರಸದಿ ಭಕ್ತರ ಸಲಹೆ ರಕ್ಕಸರನ್ನು
ತರಿದ ಶ್ರೀ ಚನ್ನಕೇಶವನ ಪಾದವನು 4

ಹರಿನಾಮ ಮರೆಯ ಬೇಡಯ್ಯ
ಪರಿ ದುರಿತಗಳನ್ನು ಅದು ನೀಗುವುದಯ್ಯಾ ಪ
ತರಳಪ್ರಲ್ಹಾದನಿಗೊಲಿದ ನಾಮವುಯಿದು
ದುರುಳ ರಕ್ಕಸರನ್ನು ತರಿದ ನಾಮವೋ 1
ನಿರುತದಿ ಭಕ್ತರಿಗೊಲಿವ ನಾಮವುಯಿದು
ಸರಸದಿ ಭಜಕರ ಪೊರೆವ ನಾಮವೋ 2
ಭಾಮೆಗಕ್ಷಯವಿತ್ತ ಪರಮನಾಮವುಯಿದು
ಪ್ರೇಮದಿ ದಾಸರಿಗೊಲಿವ ನಾಮವೋ 3
ಕಾಮಿತ ವರಗಳನೀವ ನಾಮವುಯಿದು
ನಿತ್ಯ ಭಜಿಪ ನಾಮವೋ 4
ದಶರೂಪ ಧರಿಸಿದ ದಿವ್ಯ ನಾಮವುಯಿದು
ದಶಕಂಠನನು ಕೊಂದ ಶ್ರೀನಾಮವೋ 5
ಕೇಶವ ರೂಪದಿ ಮೆರೆವ ನಾಮವುಯಿದು
ಪಾಶವ ಕಡಿಯುವ ನಿಜ ನಾಮವೋ 6
ವರ ದೂರ್ವಾಪುರದ ಶ್ರೀಹರಿಯ ನಾಮವುಯಿದು
ಮರೆಯದೆ ಭಕ್ತರ ಪೊರೆವ ನಾಮವೋ 7
ಸಿರಿ ಚನ್ನಕೇಶವನೆಂಬ ನಾಮವೋ 8