ಯಾಕ ಸ್ಮರಸದೀ ಮನಸಿಗೇ ಪ
ಯಾಕ ಸ್ಮರಸದೀ ಮನಸಿಗೆ |
ಲೋಕದೊಳು ತನ್ನ ಸುಖಗೆ |
ಮಾಕಾಂತ ನಡಿಗಳ ಮರೆಹೊಕ್ಕು | ವಿ
ವೇಕ ಸೌಖ್ಯ ಪಡಿಯದೀಗ 1
ಉತ್ತಮ ಸಂಗವ ನೆರೆಮಾಡಿ ತನ್ನ |
ಚಿತ್ತದ ಚಂಚಲ ನೀಡ್ಯಾಡೀ |
ನಿತ್ಯದಿ ಗುರು ಹಿರಿಯರ ಶೇವೆಯಲಿ|
ಹೊತ್ತು ಸಾರ್ಥಕ ಕಳಿಯದು ನೋಡು 2
ಸಣ್ಣ ದೊಡ್ಡವರಿಂದ ಭಲರೇಯಾ ಯಂದು |
ಮನ್ನಿಸಿಕೊಳ್ಳದೇ ಅವರ ಕೈಯ್ಯಾ |
ಕುನ್ನಿಯ ಛೀ ಸುಡು ಸುಡು ಯಂದು |
ನಿನ್ನ ಜನ್ಮಕೆನಿಸುವದು ಬಲು ಕುಂದು 3
ವಿಹಿತವೇ ಅಹಿತವೆಂದು ಬಗೆವದು ತನ್ನ |
ಸ್ವಹಿತವೇ ಅಹಿತೆಂದಾಚರಿಸುವುದು |
ಇಹಪರ ಲೋಕಕ ಸಲ್ಲದು ಆಗಿ |
ಕುಹಕ ಬುದ್ಧಿಯಿಂದಲೇ ಬಾಳುದು 4
ಜನಲಜ್ಜಾ ಮನಲಜ್ಜಾ ವೆರಡಿಲ್ಲಾ ಇದ |
ಕೇನೋ ಮುಂದಣಗತಿ ಶಿವಬಲ್ಲಾ |
ಅನುಮಾನ ವಿಲ್ಲಿದರೊಳು ಕಂಡು ಕೇಳಿ |
ಘನಗುರು ಮಹಿಪತಿ ಜನ ಸೊಲ್ಲಾ 5